අධ්‍යක්ෂණය: Gregory Hatanaka
නළු නිළියන්: Shane Ryan, Sarah Brine, Lisa London

අපි හැමෝම කැමතියිනේ ටිකක් අමුතු විදිහේ Crime Thriller ෆිල්ම් එකක් බලන්න. “Choke” කියන්නේ අන්න ඒ වගේ ඔලුව අවුල් කරවන ජාතියේ ෆිල්ම් එකක් කිව්වොත් හරි. මේක නිකන්ම මිනීමැරුම් ගැන කියවෙන කතාවක් නෙවෙයි; මේක මිනීමරුවෙක්ගේ දෘෂ්ටි කෝණයෙන් ලෝකය දකින විදිහ ගැන යන අමුතුම කතාවක්.

මේ ෆිල්ම් එකේ ප්‍රධාන චරිතය වෙන්නේ කැස්පර්. බැලූ බැල්මට සාමාන්‍ය මනුස්සයෙක් වගේ පෙනුනට, මිනිහා ඇතුලේ ඉන්නේ හරිම භයානක මිනීමරුවෙක්. එයා හිතාගෙන ඉන්නේ එයා කරන දේවල් හරි, එයා තමයි නීතිය කියලයි. හැබැයි කතාව වෙනස් වෙන්නේ එයාට “චැනල්” කියලා අමුතු තරුණියක් හම්බුණාට පස්සෙයි. මේ දෙන්නා අතර ගොඩනැගෙන සම්බන්ධය හරිම සංකීර්ණයි වගේම භයානකයි. මේ මිනීමරුවාගේ ඉලක්කය මොකක්ද? එයාට මේ තරුණියව හම්බුනේ අහම්බෙන්ද නැත්නම් මේක සැලසුම් සහගත දෙයක්ද?

ෆිල්ම් එක බලද්දී අපිට හිතෙන්නේ අපිත් මේ අපරාධ ලෝකෙම කොටසක් වෙලා වගේ. අධ්‍යක්ෂකවරයා උත්සාහ කරලා තියෙනවා අඳුරු සහ ගුප්ත වාතාවරණයක් නිර්මාණය කරන්න. රෑට තනියම ඉඳන් බලන්න පුළුවන්, හිත ගැස්සෙන දර්ශන සහ හිතාගන්න බැරි ට්විස්ට් (Twists) මේකේ තියෙනවා. නිකන්ම මිනීමරුවෙක් පස්සේ පොලිසිය පන්නන කතාවක් බලාපොරොත්තු වෙන්න එපා. මේක ඊට වඩා මනෝවිද්‍යාත්මක පැත්තට බර කරපු, මනුස්ස හිතේ තියෙන කළුවර පැත්ත පෙන්නන කතාවක්. අන්තිම වෙනකම්ම මොකද වෙන්නේ කියලා හිතාගන්න බැරි වෙයි. අපරාධයක් වසන් කරන්න දරන උත්සාහය සහ ඒ අස්සේ සිද්ධ වෙන අනපේක්ෂිත සිදුවීම් දාමයක් තමයි මේ ෆිල්ම් එක පුරාවටම තියෙන්නේ. ත්‍රාසජනක චිත්‍රපටවලට ආස ඔයා අනිවාර්යයෙන්ම බලන්න ඕන ෆිල්ම් එකක් විදිහට මේක හඳුන්වන්න පුළුවන්.