Closure (2007) කියන්නේ ඇත්තටම තැතිගන්වනසුළු කතාවක්.
ඇලිස් කියන ව්‍යාපාරික කාන්තාවයි, ඇගේ තරුණ පෙම්වතා ඇඩම්නුයි ගමනක් අතරමගදී භයානක ප්‍රහාරයකට මුහුණ දෙනවා. ඇඩම්ට තුවාල වෙනවා, ඇලිස්ට දරුණු විදිහට හිරිහැර කරනවා. ඒ සිද්ධියෙන් පස්සේ දෙන්නාගේ මුළු ජීවිතේම කනපිට හැරෙනවා.

දෙන්නා ශාරීරිකව සුව වුණාට, මානසිකව හරිම කැඩුණු තත්ත්වයක ඉන්නේ. මුලදී එයාලා බයෙන්, කලකිරීමෙන් තනිවෙලා ඉන්නවා. ඒත් එක දවසක් ඇලිස්ට එදා ප්‍රහාරය කරපු කෙනෙක්ව ආයෙත් හම්බවෙනවා.

එතනින් තමයි කතාව හැරෙන්නේ!
තමන්ට වුණු දේට ‘වන්දි’ ගන්න, පළිගැනීමක් කරන්න ඇලිස්ට පුදුම උවමනාවක් ඇතිවෙනවා. ඇඩම් ටිකක් අදිමදි කළත්, අන්තිමට ඇලිස් එක්ක එකතු වෙනවා.

දැන් මේ දෙන්නාට තියෙන්නේ ප්‍රශ්න ගොඩක්. පළිගැනීම සාධාරණීකරණය කරන්නේ කොහොමද? ඔවුන් ඒක ක්‍රියාත්මක කරන්න තරම් දරුණු වෙයිද? ඒ පළිගැනීමෙන් එයාලගේ මානසික තත්ත්වය තවත් නරක අතට හැරෙයිද?

කතාව දිගටම යනකොට, මේ දෙන්නාගේ චරිතවල ස්වභාවය හිතන්න බැරි විදිහට වෙනස් වෙනවා. එයාලාගේ අලුත් තීරණ මොනවා වෙයිද? ඒකෙන් එයාලට ඇත්තටම “Closure” හෙවත් සහනයක් ලැබෙයිද? ඒක දැනගන්නනම් ඔයාට ෆිල්ම් එක බලන්නම වෙනවා!