අගාතා ක්‍රිස්ටිගේ රහස් පරීක්ෂක නවකතා වලට ඔබත් කැමති ඇති. Crooked House (2017) කියන්නේ ඇයගේ අතිශය ජනප්‍රිය නවකතාවක් ඇසුරින් නිර්මාණය වුණ චිත්‍රපටයක්. ඉතාමත් ධනවත් කෝටිපතියෙක් වෙන ඇරිස්ටයිඩ් ලියෝනයිඩ්ස් අභිරහස් ලෙස මිය යනවා. ඔහුගේ මරණය ගැන සැක හිතුණු ඔහුගේ මිනිබිරිය, තරුණ රහස් පරීක්ෂකයෙක්ව මේ ගැන හොයන්න ගෙන්වා ගන්නවා. මේ විශාල මන්දිරය ඇතුළේ ඉන්න හැමෝටම මේ මිනීමැරුම කරන්න හේතුවක් තියෙනවා. පවුලේ හැම සාමාජිකයෙක්ම එකිනෙකාට ඇඟිල්ල දිගු කරගනිද්දී, සැබෑ අපරාධකරු කවුද කියලා හොයන එක ලේසි වෙන්නේ නැහැ.

සෑම කෙනෙක්ම රහස් හංගන, එකිනෙකාට වෛර කරන මේ ‘ඇද වුණු නිවස’ ඇතුළේ ඇත්තටම වුණේ මොකක්ද? මේකේ අවසානය ඔබ කිසිසේත්ම බලාපොරොත්තු නොවන විදිහට තමයි සිද්ධ වෙන්නේ. කුතුහලය (mystery) පිරුණු සිනමාපට වලට ලැදි ඕනෑම කෙනෙක් අනිවාර්යයෙන්ම නැරඹිය යුතු නිර්මාණයක් විදිහට මේක හඳුන්වන්න පුළුවන්. දක්ෂ නළු නිළියන් රැසකගේ රංගනයෙන් හැඩවුණු මේ චිත්‍රපටය ඔබව මොහොතකටවත් කතාවෙන් ඉවතට යන්න ඉඩ දෙන්නේ නැහැ.

Cast: Glenn Close, Max Irons, Stefanie Martini, Terence Stamp
Director: Gilles Paquet-Brenner