“Dead Girl Summer” කියන්නේ නම ඇහෙනකොටම මොකක් හරි අද්භූත දෙයක් තියෙනවා කියලා හිතෙන චිත්‍රපටියක්. ගිම්හාන නිවාඩුවක් ගත කරන්න සතුටින් යන තරුණ පිරිසකට මුහුණ දෙන්න වෙන දරුණු අත්දැකීමක් වටා තමයි මේ කතාව ගෙතිලා තියෙන්නේ. සාමාන්‍යයෙන් තරුණ තරුණියෝ නිවාඩුවකට කොහේ හරි ගියාම කරන්නේ විනෝද වෙන එකනේ, හැබැයි මේ පිරිසට සිද්ධ වෙන්නේ තමන්ගේ ජීවිතය බේරගන්න සටනක නිරත වෙන්නයි.

කතාව පටන් ගන්නේ ලස්සන වෙරළාශ්‍රිත ප්‍රදේශයකින්. හැමෝම හිතන්නේ මේක හරිම නිදහස්, සැහැල්ලු නිවාඩුවක් වෙයි කියලා. ඒත් නිවාඩුව ආරම්භ වෙලා ටික දවසක් යනකොට කවුරුත් බලාපොරොත්තු නොවන විදියේ මරණ කිහිපයක් සිද්ධ වෙන්න ගන්නවා. ඒ මරණ පිටුපස ඉන්නේ කවුද? ඒක මිනීමැරුමක්ද නැත්නම් මොකක් හරි අද්භූත බලවේගයක්ද කියන එක මුල ඉඳලම ලොකු අභිරහසක්. එකිනෙකා සැක කරන්න පටන් ගන්න කොට තියෙන මිත්‍රකම් පවා බිඳිලා යනවා. තමන්ගේම යාළුවෙක් මේක පිටුපස ඉන්නවාද කියන සැකය හැමෝම බය කරනවා.

චිත්‍රපටියේ තියෙන විශේෂත්වය තමයි ඒකේ තියෙන වේගවත් බව. එක මොහොතක්වත් ඇස් ඉවතට ගන්න බැරි විදියට සිදුවීම් පෙළගස්වලා තියෙනවා. නූතන සමාජයේ තියෙන සමාජ මාධ්‍ය සංස්කෘතිය සහ තාරුණ්‍යයේ හැසිරීම් මේකට හරි අපූරුවට එකතු කරලා තියෙනවා. “Dead Girl Summer” කියන නමේ තේරුම කතාව මැදදී එළිවෙද්දී ඔබට පුදුම හිතේවි. මේක නිකන්ම නිකන් “Slasher” ෆිල්ම් එකක් නෙමෙයි, ඒ පිටුපස ගැඹුරු කතාවක් තියෙනවා. ලේ හිරිවැටෙන සුළු දර්ශන සහ හිතාගන්න බැරි අවසානයක් එක්ක මේ චිත්‍රපටිය මේ වසරේ හොඳම Horror-Thriller එකක් වෙයි කියලා සහතිකයි.