ඔන්න මෙහෙමයි පටන් ගන්නේ. ජොනතන් මැක්වාරි කියන්නේ නිහඬ, තනිකඩ ගණකාධිකාරීවරයෙක්. නිව්යෝක් නගරයේ හැමදාම වැඩ ඇරිලා එන ගමන් හරිම පාළුයි.

දවසක් හදිසියේම වයිට් බෝස් කියලා හොඳින් ඇඳ පැළඳ ගත්තු, හරිම ආකර්ශනීය නීතිඥයෙක් ඔහුට යාළු වෙනවා. වයිට්, ජොනතන්ට අහම්බෙන් වගේ අමුතු “ලැයිස්තුවක්” ගැන ඉඟි කරනවා. ඒක නාඳුනන අය අඳුන ගන්න, රහස් ලිංගික සම්බන්ධතා පවත්වන භූගත සමාජයක්.
වයිට්ගේ ෆෝන් එක මාරු වෙන සිදුවීමකින් පස්සේ, ජොනතන් නොහිතපු විදිහට මේ “ලැයිස්තුවට” සම්බන්ධ වෙනවා. මුලදී ඔහු බය වුණත්, ටිකෙන් ටික මේ අලුත්, නිර්නාමික ලෝකෙට හුරු වෙනවා.

දවසක් ඔහුට ‘S’ කියලා හඳුන්වන අද්භූත රූමත් කාන්තාවක් මුණගැහෙනවා. නීති කඩලා, ජොනතන් ඇයත් එක්ක ආදර සම්බන්ධයක් ඇති කරගන්නවා.

ඒත් මේ ආදර කතාව පටන් අරන් ටික දවසකින්, ‘S’ අතුරුදහන් වෙනවා. ඒ වගේම ඩොලර් මිලියන 20ක මහා සොරකමකට ජොනතන්ව සැක කරනවා.

දැන් මේක සරල සෙල්ලමක් නෙවෙයි. ජොනතන් ඉන්නේ තමන්ගේ ජීවිතයත් සොරකමකුත් අතර හිරවෙලා. වයිට් කියන්නේ ඇත්තටම කවුද? ‘S’ කොහෙද ගියේ? මේ හැමදේම පිටිපස්සේ තියෙන ලොකුම දෙය මොකක්ද?

කතාව දිග හැරෙද්දී තේරෙයි, මේක සරල යාළුකමක් හෝ අනියම් සම්බන්ධයක් නෙවෙයි; හරිම භයානක වංචා ජාලයක් කියලා!

Deception චිත්‍රපටයේ අවසානය දැනගන්න, ඔයාටත් මේ චිත්‍රපටය බලන්න වෙනවා!