මේක පටන් ගන්නේ නිව්යෝර්ක් පොලිස් නිලධාරියෙක් වටා. ඔහුගේ නම තමයි රල්ෆ් සාර්චි (Ralph Sarchie). එයා දක්ෂ නිලධාරියෙක් වුණත්, නිතරම දකින්න ලැබෙන නගරයේ අඳුරු පැත්ත නිසා ටිකක් සැකයෙන් සහ කේන්තියෙන් ඉන්නේ.

එයාට අමුතුම අපරාධ මාලාවක් ගැන පරීක්ෂණ කරන්න සිද්ධ වෙනවා. මේ සිද්ධීන් සාමාන්‍ය ඒවා නෙවෙයි, මේවා පිටිපස්සේ තියෙන්නේ වෙනත්ම බලවේගයක් කියලා එයාට තේරෙන්න පටන් ගන්නවා. බිරිඳට පහර දෙන සැමියෙක්, සත්වෝද්‍යානයේ සිදු වන බියකරු සිදුවීමක්, අමුතු බිතුසිතුවම්… මේ හැමදේම එකිනෙකට සම්බන්ධයි.

මේ අද්භූත දේවල් ගැන එයාට තනිවම තේරුම් ගන්න බැරි තැන, එයාට හමු වෙනවා මෙන්ඩෝසා (Mendoza) කියලා පූජකතුමෙක්ව. මේ පූජකතුමා සාමාන්‍ය කෙනෙක් නෙවෙයි. එයාට යක්ෂ භූතයන් එලවා දමන ක්‍රම ගැන හොඳටම පුහුණුව තියෙනවා.

සාර්චි පොලිස් නිලධාරියෙක් විදිහටත්, මෙන්ඩෝසා පූජකතුමා විදිහටත් එකතු වෙලා මේ නගරයට එල්ල වෙන භයානක තර්ජනයට මුහුණ දෙන්න පටන් ගන්නවා. හැබැයි, මේක සාමාන්‍ය අපරාධයක් නෙවෙයි, ඒක තමයි ගැටලුව! මේ හැම සිද්ධියක් පිටිපස්සේම තියෙන්නේ මිනිස් ලෝකය හා සම්බන්ධ නැති, ඉතාම දරුණු ‘දුෂ්ට බලවේගයක්’…

ඉතින්, නීතිය සහ ඇදහිල්ල එකතු වෙලා මේ අන්ධකාරය පරද්දන්න පුළුවන් වෙයිද? නැත්නම් මේ අභිරහස් බලවේගය මුළු නගරයම ගිල ගනීවිද? චිත්‍රපටයේ ඉතිරිය ඔයාලට බලාගන්න පුළුවන්.