මේකේ ප්‍රධාන චරිතේ තමයි ‘විල්’ කියන කොල්ලා. විල් දකිනවා හීනයක්; මුළු ලෝකෙම විනාශ වෙන්න යනවා කියලා. හැබැයි එයා මේක එච්චර ගණන් ගන්නේ නෑ.

නමුත් හිතන්නකෝ, එයාගේ උපන්දින සාදය තියෙන වෙලාවේම තමයි අහසින් උල්කාපාත කඩාවැටෙන්න, සුළි සුළං එන්න පටන් ගන්නේ. දැන් විල්ට මතක් වෙනවා, “අනේ දෙයියනේ, මං දැක්ක හීනේ ඇත්ත වෙනවා!” කියලා.

විල්ට ඕන වෙන්නේ එයාගේ ගර්ල්ෆ්‍රෙන්ඩ්, ‘ඇමී’ව බේරගන්න. එයා ඉන්නේ ස්වභාවික ඉතිහාස කෞතුකාගාරයේ (Natural History Museum). ඉතින් විල් එයාගේ යාළුවෝ ටිකත් එක්ක මේ කැලඹිච්ච නගරය මැදින් ඇමීව හොයාගෙන යනවා.

යන අතරමගදී මෙයාලට නොයෙක් විනාශකාරී සිදුවීම් වලට මුහුණ දෙන්න වෙනවා. ඒ විතරක් නෙවෙයි, අමුතුම විදිහේ චරිත සහ ජනප්‍රිය චිත්‍රපටවලට සම්බන්ධ දේවල් මුණගැහෙනවා. මේ හැමදේම සිද්ධ වෙද්දි, විල්ට තේරෙනවා මේ විනාශය නවත්තන්න පුළුවන් රහසක් කෞතුකාගාරයේ තියෙනවා කියලා.

ඒ රහස මොකක්ද? විල්ට ඇමීව බේරගන්න පුළුවන් වෙයිද? මුළු ලෝකෙම විනාශ වෙන්නේ නැති වෙයිද? ඔයාලම බලන්නකෝ!