අධ්‍යක්ෂක: Paul Schrader නළු නිළියන්: Stellan Skarsgård, Gabriel Mann, Clara Bellar

ලෝකෙම හොල්ලපු “The Exorcist” චිත්‍රපටය ගැන නොදන්න කෙනෙක් නෑනේ. මේ කියන්න යන්නේ ඒ සිදුවීම් වෙන්න අවුරුදු ගාණකට කලින් වුණ කතාවක්. මේකේ ප්‍රධාන චරිතය තමයි ලැන්කෙස්ටර් මෙරින් පියතුමා. ඔයාලට මතක ඇති The Exorcist ෆිල්ම් එකේ ඉන්න වයසක පියතුමාව. මේ තියෙන්නේ එයාගේ තරුණ කාලේ. එයාට දෙවියන් ගැන තිබුණ විශ්වාසය නැති වෙලා තියෙන්නේ දෙවන ලෝක යුද්ධයේදී එයා දැක්ක දරුණු දේවල් නිසා.
දැන් එයා පූජක කම අතෑරලා පුරාවිද්‍යාඥයෙක් විදියට අප්‍රිකාවේ කෙන්යාවට යනවා. එහේ බ්‍රිතාන්‍ය කණ්ඩායමක් එක්ක එකතුවෙලා පොළව යට වැළලිලා ගිය පරණ පල්ලියක් මතු කරගන්නවා. හැබැයි වැඩේ කියන්නේ මේ පල්ලිය හදලා තියෙන්නේ අමුතු විදියකට. මේක හදලා තියෙන්නේ පූජා පවත්වන්න නෙවෙයි, යම්කිසි දෙයක් හිර කරලා තියන්න වගේ. ඒ පල්ලිය ඇතුලේ තියෙන දේවල් දැක්කම මෙරින්ට තේරෙනවා මේක සාමාන්‍ය තැනක් නෙවෙයි කියලා.

මේ කැණීම් කරද්දී නොදැනුවත්වම ඔවුන් අවදි කරන්නේ අවුරුදු දහස් ගණනක් නිදාගෙන හිටපු දරුණු යක්ෂයෙක්ව. එතන ඉඳන් මුළු ප්‍රදේශයටම සාපයක් වගේ දේවල් වෙන්න පටන් ගන්නවා. මිනිස්සුන්ට පිස්සු හැදෙනවා, සත්තු මැරෙනවා. මෙරින්ට තේරෙනවා තමන් විශ්වාසය අතෑරියට, මේ යක්ෂයා තාම එයා පස්සෙන් එනවා කියලා. මෙරින්ට ආයෙත් දෙවියන්ව විශ්වාස කරන්න සිද්ධ වෙයිද? නැත්නම් මේ යක්ෂයා ඔහුව පරාජය කරයිද?
මේ චිත්‍රපටය නිකන්ම “බූත” ෆිල්ම් එකක් නෙවෙයි. මේකේ මනුස්ස හිතේ තියෙන බය, විශ්වාසය සහ පව් ගැන ගැඹුරින් කතා කරනවා. විශේෂයෙන්ම අර පල්ලිය ඇතුලේ තියෙන බිහිසුණු වාතාවරණය ඔයාලව පුදුම විදියට බය කරයි. The Exorcist කතාවේ මුල හොයන්න ආස අයට සහ Supernatural Horror වලට කැමති අයට මේක නියම චිත්‍රපටයක්. යක්ෂයා එළියට එන හැටි බලන්න ලෑස්ති වෙන්න.