කිට් ගෝර්ඩි කියන්නේ පොඩ්ඩක් දඟකාර, ප්‍රශ්නකාරී යෞවනියක්. එයාගේ අම්මලාට එයාගේ හැසිරීම පාලනය කරගන්න බැරිම තැන, එයාව අමුතුම විදිහේ නේවාසික පාසලකට යවනවා, ඒ තමයි බ්ලැක්වුඩ් ඇකඩමිය. ඒක තියෙන්නේ කැලෑවක් මැද තියෙන පරණ, භයානක මන්දිරයක වගේ.

පාසලේ ඉන්නේ කිට් වගේම තව කරදරකාරී ගැහැණු ළමයි හතර දෙනෙක් විතරයි. එයාලගේ විදුහල්පතිනිය තමයි මැඩම් ඩුරෙට්. එයා හරිම අද්භූත චරිතයක්. මේ ඉස්කෝලේ නීති රීති හරිම තදයි, ෆෝන්, ඉන්ටර්නෙට් වගේ දේවල් පාවිච්චි කරන්න අවසර නෑ.

මේ අමුතු තැනට ආවට පස්සේ වෙන්නේ පුදුම දෙයක්. මේ ගැහැණු ළමයි, කලින් කිසිම දක්ෂතාවයක් නොපෙන්නුවත්, එකපාරටම විවිධ විෂයන්වලින් – සංගීතය, චිත්‍ර, ගණිතය, සාහිත්‍යය වගේ දේවලින් – පුදුම විදිහට දක්ෂතා පෙන්වන්න පටන් ගන්නවා. කිට් පවා දක්ෂ පියානෝ වාදිකාවක් වෙනවා.

ඒත්… ටිකෙන් ටික මේ දක්ෂතා දියුණුවීම උන්මාදයක් බවට පත් වෙනවා. සමහර ළමයි වැඩ කරන්නේ පිස්සුවෙන් වගේ, කෑම බීම නැතුව, නිදි නැතුව. එයාලට දැනෙන්නේ එයාලගේ ඇඟ ඇතුළේ වෙන කවුරු හරි ඉඳන් වැඩ කරනවා වගේ. කිට් ටත් නොපෙනෙන සෙවණැලි, අමුතු දේවල් දකින්න ලැබෙනවා.

ඇත්තටම මේ බ්ලැක්වුඩ් ඇකඩමිය සාමාන්‍ය පාසලක් නෙවෙයි. මැඩම් ඩුරෙට් මේ ළමයින්ව යොදාගෙන කරන්නේ හරිම භයානක රහසක්. අතීතයේ හිටපු මියගිය දක්ෂයින්ගේ ආත්ම, මේ ළමයින්ගේ ඇඟවල් ඇතුළට ඇතුළු කරලා, එයාලට ඉතුරු වුණු වැඩ සම්පූර්ණ කරන්න දරන උත්සාහයක් මේක.

කිට්ට තේරෙනවා එයාලගේ ජීවිත අනතුරේ කියලා. එයාලගේ ඉරණම වෙන්නේ ඒ මියගිය ආත්මවලට භාජන (vessels) බවට පත් වෙලා, තමන්ගේම අනන්‍යතාවය නැති කරගන්න එකයි. මේ භයානක රහස එළිදරව් කරගෙන, තමන්වත්, අනිත් යාළුවෝවත් මේ භූත ග්‍රහණයෙන් බේරගන්න කිට් ලොකු සටනක් කරන්න ඕනේ වෙනවා.

කිට්ට මේ බ්ලැක්වුඩ් එකේ අඳුරු ශාලා අතරින් ගිහින් ඇත්තටම එළියක් දකින්න පුළුවන් වෙයිද? නැත්නම් එයත් අර මියගිය ආත්මයකට යටත් වෙයිද? ඔයාට බලනකොට දැනගන්න පුළුවන්.