Edge of the World (2021) Sinhala Subtitle | සිංහල උපසිරැසි
මේ චිත්රපටයේ කේන්ද්රීය චරිතය තමයි ශ්රීමත් ජේම්ස් බෲක්. ඔහු 1840 ගණන්වල එංගලන්තයේ වික්ටෝරියානු සමාජයේ එපා වෙලා බෝර්නියෝ දූපතට යනවා.
නමුත් මේ ගමන විනෝද චාරිකාවක් නෙවෙයි. ඔහුට අවශ්ය වෙන්නේ මුහුදු කොල්ලකෑම්, වහල් සේවය වගේ දේවල් නවත්වලා සාධාරණත්වයක් ඇති කරන්නයි.
ගිහින් ටික කලකින්, බෲක්ට විශාල අභියෝගයකට මුහුණ දෙන්න වෙනවා. එතන ඉන්න කුමාරවරු දෙන්නෙක් එක්ක එකතු වෙලා කැරලිකාරී බලකොටුවක් අල්ලා ගන්න සිද්ධ වෙනවා. මේ සිද්ධියෙන් පස්සේ තමයි කතාව පුදුම විදිහට වෙනස් වෙන්නේ.
බෲක්ට බලවත් විරුද්ධවාදීන්ගෙන් සිරකරුවන් බේරගන්න සිද්ධ වෙනවා. මේ නිසා ඔහුට සරවක්හි ‘රාජා’ තනතුර භාරගන්න වෙනවා. මේ තනතුර ගන්නවා කියන්නේ බ්රිතාන්ය අධිරාජ්යයේ බලපෑම් සහ දේශීය අභියෝග දෙකම එකට දරාගන්න වෙනවා කියන එකයි.
ඔහුගේ සිහිනය තමයි සාමකාමී රාජධානියක් ඇති කිරීම. ඒත් බ්රිතාන්යයත්, දරුණු මුහුදු කොල්ලකරුවෙකු වන මාකෝටාත් මේකට හරස් වෙනවා. අන්තිමට බෲක්ට තමන්ගේ සිහිනය වෙනුවෙන් සටන් කරන්න සිද්ධ වෙනවා. මේ සටන එතරම් පහසු එකක් නම් වෙන්නේ නැහැ!
මේක හරිම උද්වේගකර ත්රාසජනක සත්ය කතාවක්! බලන්නම වටිනවා!