Ella Enchanted (2004) Sinhala Subtitle | සිංහල උපසිරැසි
මේ කතාවේ ප්‍රධාන චරිතේ තමයි ඇල (Ella). පොඩි කාලේදී ඇලට අමුතුම ‘තෑග්ගක්’ ලැබෙනවා, ඒ තමයි ඕනෑම කෙනෙක් කියන ඕනෑම දෙයක් අහන්න, ඒ විදියටම කරන්න ඇයට සිද්ධ වෙන එක. ඒක ඇත්තටම තෑග්ගක් නෙවෙයි, ශාපයක්!
ඒ නිසා ඇලට තමන්ගේ නිදහස් කැමැත්ත නැති වෙනවා.
දැන් මේ ශාපය ගැන දැනගන්න ඇලගේ නපුරු සුළු මවයි, සුළු අක්කලා දෙන්නයි මේකෙන් උපරිම ප්‍රයෝජන ගන්නවා. එයාලා ඇලව හරිම අසරණ කරනවා.
මේ අතරේදී ඇලට අහිංසක, කඩවසම් චාර් කුමාරයා හම්බෙනවා. චාර්ට ඇල ගැන හිත යනවා.
තමන්ගේ මේ ශාපය නිසා තව දුරටත් මෙහෙම දුක් විඳින්න බැරි බව ඇල තේරුම් ගන්නවා. ඒ නිසා ඇය තීරණය කරනවා මේ ශාපය කරපු සුරංගනාවිය හොයාගෙන ගිහින් ඒක ඉවත් කරගන්න.
මේ ගමන පුරාවට ඇලට අලුත් යාළුවෝ හම්බෙනවා. ඒ වගේම රාජධානියේ තියෙන සමහර අසාධාරණකම් ගැනත් ඇයට දැනගන්න ලැබෙනවා. චාර් කුමාරයත් මේ ගමනට එකතු වෙනවා.
නමුත් මේ අතරේදී ඇලගේ ශාපය ගැන නපුරු මාමා කෙනෙක් දැනගන්නවා. ඔහුගේ අරමුණ තමයි කුමාරයා මරලා සිංහාසනය පැහැර ගන්න එක.
අන්තිමේදී, මේ නපුරු මාමා ඇලගේ ශාපය පාවිච්චි කරලා, චාර් කුමාරයාව මරන්න ඇලට අණ කරනවා!
දැන් ඇලට කුමාරයාව බේරගන්න පුළුවන් වෙයිද? නැත්නම් ශාපයට කීකරු වෙන්න වෙයිද? ඇයට පුළුවන් වෙයිද තමන්ගේම ශක්තියෙන් මේ ශාපය කඩා බිඳ දමලා, නිදහස් වෙන්න?