හදිසි ප්‍රකාශය (Emergency Declaration)
මේක කොරියන් සිනමාවේ බිහිවුණ සුපිරිම තෙරාසජනක (Thriller) චිත්‍රපටියක්. මේක අධ්‍යක්ෂණය කළේ Han Jae-rim විසින්. කොරියාවේ ඉන්න සුපිරිම නළුවන් දෙන්නෙක් වන Song Kang-ho (Parasite එකේ තාත්තා) සහ Lee Byung-hun (Squid Game එකේ Front Man) මේකේ ප්‍රධාන චරිත කරනවා.

කතාව පටන් ගන්නේ ඉන්චියන් ගුවන් තොටුපළෙන් හවායි බලා පිටත් වෙන ගුවන් යානයක් වටා. යානය ඇතුලේ අමුතු මගියෙක් ඉන්නවා. එයා හිතාමතාම ගුවන් යානය ඇතුලට මාරාන්තික වෛරස් එකක් අරගෙන එනවා. යානය උඩට නැග්ගට පස්සේ මෙයා මේ වෛරස් එක මුදාහරිනවා. එතනින් එහාට මුළු ප්ලේන් එකම ලොකු කලබලයකට පත් වෙනවා. මිනිස්සු ලෙඩ වෙන්න ගන්නවා, මැරෙන්න ගන්නවා.

මේ අතරේ පොළොවේ ඉන්න පොලිස් නිලධාරියෙක් (Song Kang-ho) දැනගන්නවා තමන්ගේ බිරිඳත් මේ යානයේ ඉන්නවා කියලා. එයා මේ ත්‍රස්තවාදියා ගැන හොයන්න පටන් ගන්නවා. යානය ඇතුලේ ඉන්න තාත්තා කෙනෙක් (Lee Byung-hun) තමන්ගේ දුවව බේරගන්න ලොකු සටනක් දෙනවා.

වෛරස් එක නිසා ගුවන් නියමුවන්ට පවා යානය පාලනය කරගන්න බැරි තත්ත්වයක් එනවා. ඒ නිසා යානය හදිසි ගොඩබෑමක් (Emergency Declaration) ඉල්ලනවා. හැබැයි ප්‍රශ්නේ වෙන්නේ, වෛරස් එකක් තියෙන නිසා කිසිම රටක් මේ යානයට ගොඩබහින්න දෙන්නේ නෑ. ඉන්ධනත් ඉවර වීගෙන එනවා, මිනිස්සුත් මැරෙනවා, ගොඩබහින්න තැනකුත් නෑ.

මේ අසරණ මගීන් 150 දෙනාට බේරෙන්න පුළුවන් වෙයිද? ඔවුන්ව භාරගන්නේ කවුද? කියලා දැනගන්න නම් මේ ෆිල්ම් එක බලන්නම වෙනවා. හුස්ම හිරවෙන කුතුහලයක් තියෙන සුපිරිම කතාවක්!