කතාව කැරකෙන්නේ LAPD එකේ වැඩ කරන, හොඳම යාළුවෝ දෙන්නෙක් වටේ. එක්කෙනෙක් තමයි බ්‍රයන් ටේලර් (Brian Taylor), අනිත් කෙනා මයික් සාවාලා (Mike Zavala). මේ දෙන්නාගේ දවස ගෙවෙන්නේ දකුණු ලොස් ඇන්ජලීස් වල අතිශයින්ම භයානක ප්‍රදේශයක රාජකාරි කරමින්.

ටේලර් මේ හැමදේම කැමරාවක රෙකෝඩ් කරනවා, ඉතින් අපිටත් හම්බවෙන්නේ ඒ දෙන්නාගේ ඇස්වලින්ම මේ ලෝකය දකින්න. සාමාන්‍ය රථවාහන නැවතුම්, ගිනි තියපු ගෙවල්වල ඉඳලා, මත්ද්‍රව්‍ය ජාවාරම්කරුවන්ගේ ගුහා දක්වා හැමතැනම මේ දෙන්නා යනවා.

ඒත් එක සිද්ධියකින් හැමදේම වෙනස් වෙනවා. සාමාන්‍ය රාජකාරියකදී මේ දෙන්නට අහම්බෙන් හම්බවෙන්නේ ලොකු මෙක්සිකන් කාටෙල් එකකට (Mexican Cartel) සම්බන්ධ භයානක රහසක්. අන්න එතනින් තමයි කතාව අවදානම් දිශාවකට යන්නේ.

මේ දෙන්නා නොහිතන විදිහට මුළු කාටෙල් එකේම ප්‍රධාන ඉලක්කය බවට පත්වෙනවා. ටේලර් සහ සාවාලා කියන්නේ තමන්ගේ රාජකාරියට බොහොම ආදරය කරන, එකිනෙකා වෙනුවෙන් ඕනෑම දෙයක් කරන සහෝදරයෝ දෙන්නෙක්.

නමුත් තමන්ගේ මිත්‍රත්වයයි, ජීවිතයයි අතර සටනක් දෙන්න මේ දෙන්නට සිද්ධ වෙනවා. මේක නිකන්ම පොලිස් කතාවක් නෙවෙයි, අවසානය වෙනකල්ම හිතට බරක් දීගෙන බලන්න පුළුවන් ඇත්තම ජීවිත කතාවක්.
මේ දෙන්නට මේ අභියෝගයෙන් ගැලවෙන්න පුළුවන් වෙයිද? නැත්නම් එයාලගේ “රාජකාරියේ අවසානය” (End of Watch) ළඟද? ෆිල්ම් එක බලලාම දැනගන්නකෝ!