මේ කතාව තියෙන්නේ ‘බාබ්’ (Baab) කියන පිටසක්වල ග්‍රහලෝකයක් ගැන. මේ ලෝකේ ඉන්නවා සුපිරිම වීරයෙක්, එයාගේ නම ස්කෝච් සුපර්නෝවා. ස්කෝච් කියන්නේ ජනප්‍රියම, වීරකම් කරන කෙනා. හැබැයි එයාගේ හැම මෙහෙයුමක්ම පිටිපස්සේ ඉඳන් පාලනය කරන්නේ, එයාව බලාගන්නේ එයාගේ අයියා, ගැරී. ගැරී කියන්නේ හරිම පරිස්සම්, ටිකක් බය ගුල්ලෙක්. ස්කෝච්ට නම් අයියගේ මේ පරිස්සම හරිම කරදරයක්.

දවසක් මෙයාලගේ අභ්‍යවකාශ මධ්‍යස්ථානයට (BASA) අමුතුම සිග්නල් එකක් එනවා. ඒ ‘අඳුරු ග්‍රහලෝකය’ කියලා එයාලා හඳුන්වන තැනකින්. මේ ලෝකෙට ගිය කිසිම පිටසක්වලයෙක් කවදාවත් ආපහු ඇවිත් නෑ. ඒක හරිම භයානක තැනක්.

ගැරී කියනවා “ඕක නම් හොඳ දෙයක් නෙවෙයි, ඔය ගමන යන්න එපා” කියලා.

ඒත් ඉතින්, වීරයා වෙන්න හිතාගෙන ඉන්න ස්කෝච්, අයියා කියන දේ අහන්නේ නැතුව ‘අඳුරු ග්‍රහලෝකෙට’ (ඒ කියන්නේ අපේ පෘථිවියට) එනවා. ආපු ගමන්ම වෙන්නේ හිතාගන්නවත් බැරි දෙයක්. ස්කෝච්ව මිනිස්සු අල්ලගෙන, ‘ඒරියා 51’ කියන රහස් තැනක හිර කරනවා.

දැන්, තමන්ගේ පණටත් වඩා බය, පරිස්සම්කාර ගැරීට සිද්ධ වෙනවා තමන්ගේ මල්ලිව බේරගන්න මේ භයානක ග්‍රහලෝකෙට එන්න. එයා එතන හිරවෙලා ඉන්න අනිත් පිටසක්වලයෝ ටිකත් එකතු කරගෙන, මේ මහා කුමන්ත්‍රණයකින් මල්ලිවත් බේරගෙන, පෘථිවියෙන් පැනලා යන්න පුළුවන් වෙයිද?