වෝල් ස්ට්‍රීට් එකේ ලොකු තැනක් දරන ‘විල්’ තමන්ගේ පුතා ‘ඩැනී’ එක්ක කාලය ගත කරන්න හිතාගෙන එයාලගේ පරණ ගමේ දඩයමේ යන්න තීරණය කරනවා. ඒත් මේ ගමන හිතපු තරම් සරල වෙන්නේ නෑ.

දඩයමේ අතරතුරදී තාත්තයි, පුතයි එකතු වෙලා දකිනවා බැංකු මංකොල්ලකෑම් කල්ලියක සාමාජිකයෝ දෙන්නෙක් අතර ඇතිවෙන දරුණු ගැටුමක්. මේ වෙලාවේ සිදුවීමක් නිසා විල්ට සිද්ධ වෙනවා එක අපරාධකරුවෙකුට වෙඩි තියන්න.

ඒත් මේ සිද්ධියත් එක්කම තත්ත්වය තවත් දරුණු වෙනවා. මොකද, අනිත් අපරාධකරු විල්ගේ පුතා ඩැනීව පැහැරගන්නවා. දැන් විල්ට කරන්න දෙයක් නැහැ! පුතාව බේරගන්න නම්, මේ මංකොල්ලකාරයන්ට සොරකම් කරපු සල්ලි හොයාගන්න උදව් කරන්න සිද්ධ වෙනවා.

මේ හැමදේටම උඩින්, පොලිස් ප්‍රධානියෙක් වන ‘හවෙල්’ (බෲස් විලිස්) මේ සිද්ධිය පස්සෙන් එනවා. එයාටත් මේ කතාවේ සැඟවුණු රහසක් තියෙනවා වගේ…

විල්ට පුලුවන්ද මේ හැම ප්‍රශ්නයක්ම නිරාකරණය කරගෙන තමන්ගේ පුතා බේරගන්න? මේ ඇතුළේ තව මොනවා වෙයිද? වෙඩි තැබීමක්, පැහැර ගැනීමක් සහ අවසානයේදී පවුලක් බේරා ගැනීමක්! මේක නම් ලේසි ගමනක් නෙවෙයි. බලන්නකෝ ඇත්තටම මොකද වෙන්නේ කියලා!