‘First Reformed’ (2017) ඒක නම් ටිකක් ගැඹුරු, හිතන්න දේවල් ගොඩක් ඉතුරු කරන ෆිල්ම් එකක්.

මේක අධ්‍යක්ෂණය කරන්නේ Paul Schrader. ප්‍රධාන චරිතය, ඒ කියන්නේ පූජකවරයාගේ චරිතය, කරන්නේ Ethan Hawke. එතකොට Amanda Seyfried ත් ඉන්නවා අනික් ප්‍රධාන චරිතයේ.

ටොලර් (Toller) කියන්නේ පොඩි, පරණ පල්ලියක ඉන්න පූජකවරයෙක්. එයා ඉන්නේ ලොකු පෞද්ගලික ප්‍රශ්න ගොඩක. එයාගේ පුතා නැතිවෙලා, ඒ වගේම එයාගේ ඇදහිල්ල ගැනත් එයාට තියෙන්නේ ලොකු සැකයක්. එයා නිතරම ලෙඩින් වගේ ඉන්නේ, හොඳටම බොනවා, එයාගේ ජීවිතේම අවුල් ජාලයක් වෙලා.

ඔහොම ඉන්නකොට දවසක්, මේරි (Mary) කියලා ගැබිනි කාන්තාවක් එනවා එයාගෙන් උදව්වක් ඉල්ලගෙන. මේරිගේ මහත්තයා, මයිකල්, පරිසර විනාශය ගැන ඕනවට වඩා හිතලා (radical environmentalist) ඉන්නේ. එයාට කොච්චර කලකිරිලාද කියනවා නම්, “මේ වගේ විනාශ වෙච්ච ලෝකෙකට ළමයෙක් ගේන එක අපරාධයක්” කියලා එයා මේරිට කියනවා ළමයව නැති කරන්න කියලා.

ඉතින්, ටොලර් පියතුමා යනවා මේ මයිකල් එක්ක කතා කරන්න.
හැබැයි, මයිකල් එක්ක කතා කරාට පස්සේ, ටොලර් පියතුමාත් මයිකල්ගේ අදහස් නිසා තදින්ම කම්පනය වෙනවා. එයාගෙම ඇදහිල්ල තවත් ප්‍රශ්න කරන ගමන්, එයාත් ලෝකේ විනාශ කරන අයට විරුද්ධව අමුතු, භයානක විදිහට හිතන්න පටන් ගන්නවා.
එතනින් එහාට එයා මොන වගේ තීරණයක් ගනීද? එයාගේ ඇදහිල්ලට මොකද වෙන්නේ?