මචං, මේ කතාව ටිකක් බරපතළයි. හැබැයි අනිවාර්යයෙන්ම බලන්න වටින එකක්.
මේකේ තියෙන්නේ උතුරු අයර්ලන්තයේ අවුල් සහගත කාලෙක, 1975 දී සිද්ධ වෙච්ච ඝාතනයක් ගැන. ඇලිස්ටෙයාර් ලිට්ල් කියන අවුරුදු 16ක කොල්ලෙක්, තමන්ගේ කණ්ඩායම වෙනුවෙන්, ජිම් ග්‍රිෆින් කියන තරුණයාව මරනවා.

ඒ සිදුවීම වෙනකොට ජිම්ගේ පොඩි මල්ලි, ජෝ ග්‍රිෆින්, ඒ ළඟම ඉඳන් ඒ හැමදේම ඇස් දෙකෙන් දකිනවා. එතන ඉඳන් ජෝගේ මුළු ජීවිතේම වෙනස් වෙනවා.

දැන් අවුරුදු ගාණකට පස්සේ, සමාදානය ඇති කරන්න හදන රූපවාහිනී වැඩසටහනකින් මේ දෙන්නව ආයෙමත් මුණගස්සන්න හදනවා. ඇලිස්ටෙයාර් දැන් වැරැද්ද තේරුම් අරන්, ඒත් ජෝට නම් තවමත් තියෙන්නේ ලොකු වෛරයක්.

ජෝගේ හිතේ තියෙන්නේ එකම එක දෙයයි: එදා සිද්ධ වුණ දේට පළිගැනීමක් කරන්න. ඒ පළිගැනීම තත්පර පහකට හරි ‘ස්වර්ගයේ ඉන්නවා’ වගේ හැඟීමක් දෙයි කියලා ඔහු හිතනවා.
දැන් ප්‍රශ්නේ මේකයි: අවුරුදු ගාණක් තිස්සේ ඇතුළේ හිරවෙලා තිබුණු වෛරය, පළිගැනීමක් කරලා නිදහස් වෙයිද, නැත්නම් මේ දෙන්නාට මේ ගැටුමෙන් මිදිලා අලුතෙන් පටන් ගන්න පුළුවන් වෙයිද?

එතනට වෙන්නේ මොකක්ද කියලා දැනගන්න නම් ෆිල්ම් එක බලන්නම වෙනවා!