හිතන්නකෝ, ටෙක්සාස්වල තියෙන පොඩි නගරයක්. මේ නගරේ මිනිස්සුන්ට සිකුරාදා රෑට හයි ස්කූල් ෆුට්බෝල් මැච් එකක් බලනවා කියන්නේ ආගමක් වගේ. ඒක තමයි එයාලගේ ජීවිතේ.
කතාව යන්නේ ‘පර්මියන් පැන්තර්ස්’ (Permian Panthers) කියන මේ ටීම් එක වටේ. මුළු නගරෙම බර කරට අරගෙන ඉන්න මේ කොල්ලන්ට තියෙන්නේ එකම හීනයි: ස්ටේට් චැම්පියන්ෂිප් එක දිනන එක. ප්‍රෙශර් එක නම් එසේ මෙසේ එකක් නෙවෙයි.

සීසන් එක පටන් ගන්නකොටම එයාලට ඉන්නවා සුපිරිම ස්ටාර් ප්ලේයර් කෙනෙක්, ‘බූබී මයිල්ස්’. හැමෝම හිතන්නේ මේ පාර ගේම ගොඩ දාන්නේ බූබී කියලා. ඒත්… හිතන්නෙවත් නැති විදියට, පළවෙනි ගේම් එකේදීම බූබීට දරුණු ආබාධයක් වෙනවා. එතනින් එහාට එයාගේ සෙල්ලම ඉවරයි.

මුළු ටීම් එකම, මුළු ටවුන් එකම කඩා වැටෙනවා.
දැන් බර වැටෙන්නේ කෝච් ගේන්ස් (Coach Gaines) ගෙයි, ටීම් එකේ අනිත් කොල්ලන්ගෙයි කරපිටට. එයාලගේ හොඳම ප්ලේයර් නැතුව, මේ කඩන් වැටුණු ටීම් එකට ආයෙත් නැගිටින්න පුළුවන් වෙයිද?

එක පිට එක එන පරාජයන්, ටවුන් එකෙන් එන දරුණු විවේචන මැද්දේ, මේ කොල්ලෝ ටික එයාලගේ හීනය වෙනුවෙන් සටන් කරනවා. මේක නිකන්ම ගේම් එකක් ගැන කතාවක් නෙවෙයි. මේක පීඩනය, කැපකිරීම් සහ හීන පස්සේ දුවන එක ගැන කතාවක්. එයාලට අන්තිම වෙනකම් සටන් කරලා, ඒ ගෞරවය දිනාගන්න පුළුවන් වෙයිද?