මේ කතාව වෙන්නේ 13 වැනි සියවසේ රුසියාවට මොංගල් හමුදාව ආක්‍රමණය කරන කාලේ. ඔය වෙද්දිත්, චෙන්ගිස් ඛාන්ගේ මුණුපුරා වන බටු ඛාන්ගේ (Batu Khan) නායකත්වයෙන් මොංගල්වරු ලෝකයේම වගේ බොහෝ ප්‍රදේශ අල්ලගෙන ඉවරයි.

රුසියාවේ “රියාසන්” (Ryazan) කියන ප්‍රදේශයේ ඉන්නවා වීරයෙක්. එයා තමයි “එව්පති කොලොව්රාත්” (Evpaty Kolovrat). මේ වීරයා ගැන පොඩි රහසකුත් තියෙනවා. එයාට හැමදාම රෑට නිදාගෙන නැගිට්ටහම දවසේ සිද්ධ වෙච්ච දේවල් අමතක වෙනවා. හැබැයි එයාගේ දරුණු සටන්කාමී හැකියාව නම් එහෙම්මමයි!

මොංගල් හමුදාව රියාසන් නගරයට එන බව දැනගන්න එව්පති ඇතුළු පිරිසක් බටු ඛාන් සමඟ සාකච්ඡා කරන්න යනවා. ඒත් සාකච්ඡා අසාර්ථක වෙලා, බටු ඛාන් එයාලව මරන්න හදනවා. කොහොමහරි එව්පතිලා බේරිලා ආපහු එද්දි, නගරය සම්පූර්ණයෙන්ම විනාශ වෙලා. හැමෝම මැරිලා…

දැන් එව්පතිට තියෙන්නේ එකම එක වැඩයි. ඒ, මේ දේට පළිගන්න එක. එයා කරන්නේ ඉතිරි වුණ රණශූරයෝ කීපදෙනෙක් එකතු කරගෙන, දහස් ගණනක් ඉන්න මොංගල් හමුදාවට මුහුණ දෙන එක.

එච්චරයි! දැන් මොකද වෙන්නේ කියලා දැනගන්නනම් ෆිල්ම් එක බලන්නම වෙනවා! මේ පොඩි සේනාංකය දහස් ගණන් මොංගල් හමුදාව එක්ක කොහොම සටන් කරයිද? එව්පතිගේ පළිගැනීම සාර්ථක වෙයිද? මේ කතාවේ අන්තිම මොකක් වෙයිද කියලා ඔයාටම හිතාගන්න පුළුවන්.