“Ghosts of Mars” (2001) කිව්වෙ පට්ට සයන්ස් ෆික්ෂන් (Sci-Fi) ඇක්ෂන්/හොරර් ෆිල්ම් එකක්. මේක හදලා තියෙන්නේ ඔය “Halloween”, “The Thing” වගේ ෆිල්ම් හදපු සුපිරි අධ්‍යක්ෂක ජෝන් කාපෙන්ටර් (John Carpenter). ප්‍රධාන චරිත කරන්නේ Ice Cube (අයිස් කියුබ්), Natasha Henstridge සහ තරුණ කාලෙ Jason Statham (ජේසන් ස්ටේතම්).

මේ සිද්ධිය වෙන්නේ අනාගතේ, අඟහරු ලෝකෙ. මිනිස්සු දැන් අඟහරු ග්‍රහයා තමන්ට ජීවත් වෙන්න පුළුවන් තැනක් විදියට (terraforming) හදාගෙන යන කාලයක්.

පොලිස් නිලධාරිනියක් වෙන මෙලනි බැලර්ඩ් (Natasha) ඇතුළු පොලිස් ටීම් එකකට මෙහෙයුමක් ලැබෙනවා. ඒ තමයි, අඟහරු ලෝකෙම ඉන්න භයානකම අපරාධකාරයෙක් වෙන “ඩෙසොලේෂන් විලියම්ස්” (Ice Cube) ව දුරබැහැර තියෙන පතල් නගරයකින් අත්අඩංගුවට අරන් ගේන්න.

ඒත් එයාලා ඒ නගරෙට ගියාම දකින්නේ හිතාගන්නවත් බැරි දෙයක්. මුළු නගරයම සම්පූර්ණයෙන්ම පාළු වෙලා. මිනිස්සෙක් පේන්න නෑ. හැබැයි ටික වෙලාවකින් එයාලට තේරෙනවා, ඒ නගරේ හිටපු පතල් කම්කරුවෝ ඔක්කොම අමුතු, මිනීමරු, තිරිසන් හැසිරීමක් තියෙන කට්ටියක් වෙලා.

ඇත්තටම වෙලා තියෙන්නේ, ඒ පතල් කනිනකොට අඟහරු ලෝකේ පැරණි ශිෂ්ටාචාරයක ආත්ම (හොල්මන්) නිදහස් වෙලා, ඒ මිනිස්සුන්ගේ ඇඟවල් වලට ආවේශ වෙලා. දැන් මේ පොලිස් ටීම් එකටයි, එයාලා අල්ලන්න ගිය අපරාධකාරයාටයි (Ice Cube) එකට එකතු වෙලා, මේ “හොල්මන්” ආවේශ වුණු මිනිස්සුන්ගෙන් බේරිලා එතනින් පැනගන්නයි තියෙන්නේ.