අවුරුදු ගාණකට කලින් ස්කොට්ලන්තයේ බිහිසුණු වෛරසයක් පැතිරුණා. ඒක තමයි “රීපර් වෛරසය” (Reaper Virus) කියන්නේ. මේකෙන් බේරෙන්න බ්‍රිතාන්‍ය රජය කළේ ස්කොට්ලන්තය වටේට මහා තාප්පයක් ගහලා, මුළු රටම අනිත් ලෝකෙන් වෙන් කරන එක. මේක සාර්ථක වුණා, ඒත් රට ඇතුළේ ඉන්න මිනිස්සු ගැන කාටවත් ආරංචියක් තිබුණේ නැහැ.
අවුරුදු ගාණකට පස්සේ, අර වෛරසයම ලන්ඩන් වලත් ආයෙත් මතුවෙන්න පටන් ගන්නවා. දැන් එකම බලාපොරොත්තුව තියෙන්නේ තාප්පෙන් එහා පැත්තේ.

මේ නිසා රජය, ඊඩන් සින්ක්ලෙයාර් කියන සුවිශේෂී සෙබළියකගේ නායකත්වයෙන් යුත් කණ්ඩායමක්ව යවනවා අනතුරුවලින් පිරිලා තියෙන ස්කොට්ලන්තය ඇතුළට. ඒ යවන්නේ වෛරසයට සුවයක් හොයාගෙන එන්න!

ඒත් මේ ටීම් එක ඇතුළට ගියාට පස්සේ තමයි තේරෙන්නේ, එතන තත්වය හිතුවට වඩා ගොඩක් දරුණුයි කියලා. එයාලට මුහුණ දෙන්න වෙන්නේ කෲර මිනීමරුවන්ට, පිස්සු හැදුණු කල්ලිවලට සහ නූතන ලෝකයෙන් ගොඩක් දුරස් වෙලා තියෙන අමුතුම මිනිස්සුන්ට.

ඇත්තටම මේ තාප්පෙන් එහා පැත්තේ දවස් ගෙවෙන්නේ කොහොමද? ඔවුන්ට සුවය හොයාගන්න පුලුවන් වෙයිද? ඒක දැනගන්න නම් ඔයාට චිත්‍රපටිය බලන්න වෙනවා!