“High Heat (2022)” කියන්නේ ඇක්ෂන් එකෙන් පිරිච්ච ෆිල්ම් එකක්. කතාව කැරකෙන්නේ ඇනා සහ රේ කියන අලුතෙන් කෑම රෙස්ටුරන්ට් එකක් පටන් ගත්ත ජෝඩුව වටේ.

පළවෙනි දවසේ රෑ හැමදේම හොඳින් කෙරුණාට, හදිසියේම මෙයාලගේ රෙස්ටුරන්ට් එකට මැරයෝ සෙට් එකක් කඩා වැටෙනවා. මොකද, රේ ගොඩක් ණය වෙලා ඉන්නේ දේශීය මාෆියාවට. ඒ අය මේ තැන ගිනි තියන්න තමයි ආවේ.

ඒත්… මෙතන තමයි කතාවේ පෙරළිය.
රේ ගැන හැමදේම දැනගෙන හිටියට, ඇනා ගැන නම් රේටවත්, මාෆියාවටවත් ලොකු දෙයක් දැනගෙන හිටියේ නෑ. ඇනා කියන්නේ අර කලින් කාලේ දරුණු වැඩ කරපු රුසියානු කේජීබී නියෝජිතවරියක්!

දැන් ඇනාගේ අලුත් ජීවිතේ, අලුත් බිස්නස් එක බේරගන්න නම්, එයාට එයාගේ අතීතයේ තිබ්බ භයානක හැකියාවන් එළියට ගන්න වෙනවා.
දැන් මුළු රෙස්ටුරන්ට් එකම යුධ පිටියක් වගේ. මේකේ ඉන්න හැම මාෆියාකාරයෙක් එක්කම තනියම හැප්පෙන්න ඇනාට සිද්ධ වෙනවා.

ඇත්තටම, රේටයි ඇනාටයි මේ රෑ ගෙවලා, එයාලගේ රෙස්ටුරන්ට් එක බේරගන්න පුළුවන් වෙයිද? ඒකට කොයි තරම් දේවල් පූජා කරන්න වෙයිද?”