අධ්‍යක්ෂණය: James Cullen Bressack නළු නිළියන්: Kevin Dillon, Mel Gibson, Shannen Doherty, Sam Asghari

ඔන්න හිතන්නකෝ, ඔයා සාමාන්‍ය විදියට ඔෆිස් එකට ගිහින් වැඩ පටන් ගන්නවා. හැබැයි එකපාරටම ඔයාගේ පුටුවට යටින් අමුතු සද්දයක් ඇහෙනවා. ඒ එක්කම නිර්නාමික කෝල් එකක් එනවා. එහා පැත්තේ ඉන්න කෙනා කියනවා, “ඔය පුටුව යට බෝම්බයක් තියෙනවා, ඔයා නැගිට්ට ගමන් ඒක පිපිරෙනවා” කියලා. Hot Seat ෆිල්ම් එකේ වෙන්නෙත් හරියටම මේ වගේ දෙයක්. Orlando කියන්නේ දක්ෂ IT විශේෂඥයෙක්. එයාට සිද්ධ වෙනවා එයාගේ පුටුවෙන් නැගිටින්නේ නැතුව, මේ අදිසි හතුරා කියන විදියට බැංකු පද්ධති හැක් කරන්න. එහෙම නොකළොත් එයා විතරක් නෙවෙයි, එයාගේ දුවත් අනතුරේ වැටෙනවා.

මේක නිකම්ම ත්‍රාසජනක චිත්‍රපටියක් නෙවෙයි. එක පැත්තකින් බෝම්බයක් උඩ ඉඳගෙන ජීවිතේ බේරගන්න දඟලන තාත්තා කෙනෙක්. අනිත් පැත්තෙන් මේ බෝම්බය නිෂ්ක්‍රීය කරන්න එන පොලිස් නිලධාරීන් (Mel Gibson). හැබැයි ප්‍රශ්නේ තියෙන්නේ පොලිසිය හිතාගෙන ඉන්නේ මේ IT විශේෂඥයා තමයි ත්‍රස්තවාදියා කියලා. ඉතින් එයාට සිද්ධ වෙනවා පොලිසියෙනුත් බේරිලා, තමන්ව මෙහෙයවන අපරාධකාරයාටත් අහුවෙන්නේ නැතුව මේ ගේම් එක ගහන්න. මේක ඇත්තටම වෙලාවත් එක්ක කරන සටනක්. ඔයාටත් හිතෙයි “අම්මෝ මම නම් කොහොමද මේ වගේ වෙලාවක බේරෙන්නේ” කියලා. පුටුවෙන් නැගිටින්න බැරි හින්දා ඇතිවෙන පීඩනයත් එක්ක, මේ සයිබර් අපරාධය කොහොමද විසඳන්නේ කියලා බලන්න නම් මේ ෆිල්ම් එක බලන්නම ඕනේ. අන්තිම තත්පරේ වෙනකම්ම හුස්ම හිරකරගෙන බලන්න පුළුවන් සුපිරිම Action Thriller එකක් තමයි මේක.