අපේ කතාවේ ප්‍රධාන චරිත දෙක තමයි මිෂෙල් (Michel) සහ කැතී (Cathy). මේ දෙන්නාට දැන් කාලෙකට ඉඳන් තියෙන්නේ සාමාන්‍ය, එපා කරපු පවුල් ජීවිතයක්. සල්ලි ප්‍රශ්න නිසා දෙන්නා අතරේ තිබ්බ කතා බහත් ගොඩක් අඩුයි.

ඔන්න එක දවසක් රෑ, මිෂෙල්ට පාරේදී කරදරයක් වෙනවා. වලසෙක් (bear) පාරට පනින්න යනකොට එයාව බේරගන්න මිෂෙල් වාහනය පැත්තට හරවද්දි, පාර අයිනේ නවත්වලා තිබ්බ තව වාහනයක වැදිලා අනතුරක් වෙනවා. මේ අනතුරින් ඒ වාහනේ හිටපු මිනිස්සු දෙන්නෙක් මැරෙනවා.

මිෂෙල්ට සිද්ධිය වහගන්න ඕන වුණත්, එයාගේ වයිෆ් කැතී පොලීසියට යන්න දෙන්නේ නෑ. මොකද, අනතුරට පත් වූ වාහනයේ පිටිපස්සේ තිබිලා යුරෝ මිලියන 2 ක සල්ලි මිටියක් එයාලට හම්බ වෙනවා.

දැන් මේ දෙන්නාට ලොකු ප්‍රශ්නයක්. මේ මැරුණු මිනිස්සු දෙන්නා කවුද? මේ තරම් සල්ලි කොහෙන් ආවද?

සාමාන්‍ය, බොහොම අවංක විදිහට හිටපු මේ දෙන්නා තීරණය කරනවා මේ සල්ලි ටික තියාගෙන සිද්ධිය වහල දාන්න. හැබැයි එතනින් පස්සේ තමයි කතාව තවත් අවුල් වෙන්නෙ. එයාලගේ බොළඳ වැඩ නිසා අනතුරෙන් මරණ ගණන වැඩි වෙන්න පටන් ගන්නවා.
ඒත් එක්කම, මේ අමුතු මරණ දාමය ගැන සැක හිතපු පොලිස් පරීක්ෂකවරයෙක් එයාලව ලුහුබඳින්න පටන් ගන්නවා.

දැන් ප්‍රශ්නය මේකයි: මිෂෙල් සහ කැතීට මේ මාර අවුලෙන් බේරිලා, ඒ සල්ලිත් තියාගෙන සාමකාමී ජීවිතයක් ගත කරන්න පුළුවන් වෙයිද? නැත්නම්, මේ දෙන්නාටම සියල්ල නැති වෙලා, පොලීසියට අහුවෙන්න වෙයිද?

කොහොමද මේ මරණයෙන් සල්ලි හොයන්නේ? බලමු මේ අමුතුම අපරාධ-හාස්‍යමය කතාව කොතනින් නවතීද කියලා.