“How to Solve Your Own Murder (2024)” කතාව පටන්ගන්නේ 1965 අවුරුද්දේ. පුංචි ගම්මානයක හිටපු ෆ්‍රැන්සිස් ඇඩම්ස් කියන තරුණ කෙල්ලෙක්ට වාසනාව කියන කෙනෙක්ගෙන් ඇහෙනවා කවදා හරි දවසක ඇයව මරා දමනවා කියලා. මේ අනාවැකිය ඇගේ ජීවිතය මුළුමනින්ම වෙනස් කරනවා.

අනෙක් අය මේක විහිළුවක් හැටියට ගත්තත්, ෆ්‍රැන්සිස් අවුරුදු 60ක් තිස්සේ කරන්නේ තමන්ගේම මරණය වළක්වා ගන්න, ඒක විසඳන්න උත්සාහ කරන එකයි. ඇය යන එන හැමෝම ගැන, මුළු ගමේම රහස් හොයලා, ලොකු ‘Murder Board’ එකක් හදනවා. ඇය හිතනවා ඇයව මරන්නේ කවුද කියලා කල් ඇතිව හොයාගන්න පුළුවන් වෙයි කියලා.
අවුරුදු හැටකට පස්සේ… අන්න ඒ අනාවැකිය ඇත්ත වෙනවා! හැමෝම නොසලකා හැරපු ෆ්‍රැන්සිස් ඇත්තටම මරා දමලා තියෙනවා.

දැන් කතාවට එන්නේ ඇයගේ බෑණාගේ දුව වෙන ඇනී ඇඩම්ස්. ඇය එන්නේ ෆ්‍රැන්සිස්ගේ විශාල වතුයායට, හදිසියේම ඇයව කැඳවපු නිසයි. ඒත් ඇනී එනකොට ෆ්‍රැන්සිස් මිය ගිහින්.
ෆ්‍රැන්සිස් මේ අභිරහස තවත් සංකීර්ණ කරලා තියෙනවා. ඇයගේ කැමැත්තට අනුව, ඇයගේ මරණය විසඳන්න පුළුවන් කෙනාට තමයි සියලු දේපළ අයිති වෙන්නේ! ඒකට ලැබෙන්නේ සතියක කාලයක් විතරයි.

මේ නිසා ඇනීට සිද්ධ වෙනවා ෆ්‍රැන්සිස් ජීවිත කාලෙම එකතු කරපු රහස් සහ හෝඩුවාවන් පාවිච්චි කරලා, ගමේ හිටපු හැම අමුතු චරිතයක්ම සැක කරමින්, අතීතයේ වුණු තවත් අතුරුදහන්වීමක රහසක් පවා සොයාගෙන ගිහින්, තමන්ගේම නෑනාගේ මිනීමරුවා කවුද කියලා හොයාගන්න.

නමුත් ප්‍රශ්නේ තියෙන්නේ, ඒ රහස් අවුස්සද්දී ඇයටත් තමන්ගේම නෑනාගේ ඉරණම උරුම වෙයිද කියන බයයි!