1980 ගණන් වල දකුණු කොරියාවේ පසුබිමක නිර්මාණය වුණු Hunt කියන්නේ දේශපාලන කුමන්ත්‍රණ සහ ඔත්තුකරුවන් ගැන කියවෙන සුපිරිම ෆිල්ම් එකක්. කොරියානු බුද්ධි අංශයේ ඉහළ නිලධාරීන් දෙන්නෙක්ට ලොකු රාජකාරියක් පැවරෙනවා. ඒ තමයි තමන්ගේම ආයතනය ඇතුළේ ඉන්න උතුරු කොරියානු ඔත්තුකරුවෙක්ව (Spymaster) හොයාගන්න එක. මේ ඔත්තුකරුවා නිසා රටේ ජනාධිපතිවරයාගේ ජීවිතයට පවා ලොකු තර්ජනයක් එල්ල වෙලා තියෙන්නේ.

මේ නිලධාරීන් දෙන්නා එකිනෙකාට සැක කරමින් මේ මෙහෙයුම දියත් කරනවා. එක්කෙනෙක් අනිත් කෙනාව කොටු කරන්න බලද්දී, මුළු ආයතනයම අවුල් ජාලාවක් බවට පත්වෙනවා. ඇත්තටම මේ ඔත්තුකරුවා කවුද? ඔවුන්ගේ සගයෙක්ද? නැත්නම් මේ සියල්ල පිටුපස තියෙන්නේ දේශපාලන උගුලක්ද? මුළු චිත්‍රපටය පුරාම වෙඩි තැබීම්, හඹා යාම් සහ දරුණු කුමන්ත්‍රණ පිරිලා තියෙනවා.

ඔයා Spy Movies වලට කැමති කෙනෙක් නම් මේක මඟහැර ගන්න එපා. මේකේ තියෙන ඇක්ෂන් සීන් සහ කතාව ගලාගෙන යන වේගය මාරම ලස්සනයි. කවුරු විශ්වාස කරන්නද, කවුරු සැක කරන්නද කියලා හිතාගන්න බැරි තරමට කතාව සංකීර්ණයි. ඒ වගේම මේකේ අවසානය ඔයාට ලොකු කම්පනයක් ගෙන දේවි. රටක ආරක්ෂාව සහ පුද්ගලික අභිමතාර්ථයන් අතර තියෙන ගැටුම මේ චිත්‍රපටයෙන් මනාව පෙන්වනවා.