ටෝනියා හාඩින් කියන්නේ අයිස් ස්කේටිං (Ice Skating) වලට පුදුම දක්ෂකමක් තිබ්බ කෙල්ලෙක්. හැබැයි එයාගේ ජීවිතේ හරිම අවුල්. එයාගේ අම්මා, ලවෝනා, කියන්නේ හරිම සැර, දරුණු ගෑණියෙක්. පොඩි කාලේ ඉඳන්ම එයා ටෝනියාව තල්ලු කරන්නේ දිනන්නම විතරයි.

ටෝනියා කොච්චර දක්ෂ වුණත්, “ට්‍රිපල් ඇක්සල්” (Triple Axel) එක ගහපු පළවෙනි ඇමරිකානු ගෑණු ළමයා වුණත්, අයිස් ස්කේටිං වල ඉන්න ලොකු ලොක්කෝ, ඒ කියන්නේ විනිශ්චයකාරයෝ, එයාගේ රළු පෙනුමටයි, හැසිරීමටයි කැමති නෑ. එයාලට ඕනේ “කුමාරිකාවක්” වගේ කෙනෙක්.

මේ අතරේ ටෝනියා, ජෙෆ් ගිලූලි කියලා කෙනෙක් එක්ක සම්බන්ධයක් පටන් ගන්නවා. ඒකත් එකම රණ්ඩු සරුවල්, ප්‍රශ්න ගොඩක්.
කතාවේ ලොකුම පෙරළිය වෙන්නේ ඔලිම්පික් තරගාවලිය ළං වෙද්දී. ටෝනියාගේ ලොකුම ප්‍රතිවාදියා තමයි නැන්සි කෙරිගන්. දවසක්, කවුරුහරි නැන්සිට පහර දෙනවා.

මේ සිද්ධිය ලෝකෙම ලොකු නිවුස් එකක් වෙනවා. FBI එකත් මැද්දට පනිනවා. හැමෝගෙම ඇඟිල්ල දික් වෙන්නේ ටෝනියාගේ සැමියා ජෙෆ්ට සහ එයාගේ මෝඩ යාලුවෙක්ට.

ඇත්තටම මොකක්ද වුණේ? මේක ජෙෆ් ගේ ප්ලෑන් එකක්ද? ටෝනියා මේ ගැන දැනගෙන හිටියද? එයා මේකට සම්බන්ධ වුණාද? නැත්නම්, මේ හැමදේම එයාගේ පාලනයෙන් තොරව වෙච්ච දෙයක්ද? ෆිල්ම් එක දිග හැරෙන්නේ මේ සිද්ධියට සම්බන්ධ හැම කෙනෙක්ම තමන්ගේ පැත්තෙන් කතාව කියන විදිහටයි.