මේ කතාව ලන්ඩන් වල ජීවත් වෙන ඉයන් කියන කාර්යබහුල බ්‍රිතාන්‍ය ව්‍යාපාරිකයෙක් සහ එයාගෙ පෙම්වතිය වන සමන්තා කියන සංගීත ශිෂ්‍යාව වටා ගෙතෙන්නෙ.

ඉයන් තමන්ගේ රැකියාවට ගොඩක් මුල් තැන දීලා සමන්තාව නොසලකා හරිනවා. මේ නිසා දෙන්නා අතර පොඩි පොඩි ගැටුම් ඇති වෙනවා.

දවසක් දෙන්නා රණ්ඩු වෙලා, සමන්තා ටැක්සියක නැගලා යන්න යනවා. ඒත්… අවාසනාවන්ත විදිහට ටැක්සිය අනතුරකට ලක් වෙලා සමන්තා මිය යනවා.

ඉයන් තනි වෙනවා. තමන්ගේ නොසැලකිල්ල ගැන එයාට දැනෙන්නෙ ලොකු පසුතැවීමක්. “අනේ, මට ඒ දවස ආයෙත් ලැබුණා නම්…” කියලා එයා හිතනවා.
ඊළඟට තමයි පුදුම දේ වෙන්නේ! ඉයන්ට ආයෙත් අවස්ථාවක් ලැබෙනවා… ඒ තමයි සමන්තා එක්ක ගත කරපු අන්තිම දවස ආයෙත් ජීවත් වෙන්න.

දැන් ඉයන් දන්නවා මොකද වෙන්නේ කියලා. එයාට පුළුවන් වෙයිද සිද්ධ වෙන දේ නවත්තලා, සමන්තාව බේරගන්න? එයා ආයෙත් ලැබුණ මේ අවස්ථාවෙන් ප්‍රයෝජන අරන් එයාගේ ආදරේ වෙනස් කරන්න හරි තීරණ ගනියිද? ඒක තමා මේ චිත්‍රපටයේ තියෙන ලොකුම කුතුහලය!