“In the Fade” (2017) කියන්නේ ජර්මන් චිත්‍රපටයක්. කතාව ගෙතෙන්නේ කාටියා (Katja) කියන කාන්තාව වටා. එයා එයාගේ සැමියා නූරි (Nuri) සහ පොඩි පුතා රොකෝ (Rocco) එක්ක ගොඩක් සතුටින් ජීවත් වෙනවා.

ඒත් එක දවසක්, හීනෙකින්වත් හිතපු නැති විදිහට, ඒ මුළු සතුටම නැති නාස්ති වෙලා යනවා.
නූරිගේ ඔෆිස් එක ඉස්සරහා බෝම්බයක් පිපිරෙනවා. මේ සිද්ධියෙන් කාටියාගේ මහත්තයයි, පුතයි දෙන්නම එතනම මිය යනවා. කාටියාගේ මුළු ජීවිතේම එතනින් කඩා වැටෙනවා.

මුලින්ම පොලිසිය සැක කරන්නේ නූරිවමයි. ඒත් ටික දවසකින් ඇත්ත එළියට එනවා. මේක නාසි අදහස් දරන, සංක්‍රමණිකයන්ට විරුද්ධ කල්ලියකගේ වැඩක් කියලා හොයාගන්නවා.
සැකකාරයෝ දෙන්නෙක්ව අල්ලගන්නවා. උසාවියේ නඩුව පටන් ගන්නවා. කාටියා බලාගෙන ඉන්නේ තමන්ගේ පවුලට වෙච්ච අපරාධයට සාධාරණයක් ඉටු වෙයි කියලයි.

ඒත් උසාවියේදී දේවල් වෙන්නේ එයා බලාපොරොත්තු වෙන විදිහට නෙවෙයි. නීතියේ තියෙන හිඩැස් නිසා සැකකාරයෝ නිදහස් වෙන්න ලකුණු පහළ වෙනවා.

නීතියෙන් තමන්ට සාධාරණයක් ඉටු වෙන්නේ නැහැ කියලා තේරුම් ගියාම, කාටියා මොන වගේ තීරණයක් ගනීවිද? එයා තමන්ගේ අතටම නීතිය ගනීවිද? යුක්තිය හොයාගෙන යන මේ ගමනේ අවසානය මොකක් වෙයිද?