මේකේ ප්‍රධාන චරිතය ටකුමි ෆුජිවාරා කියලා උසස් පෙළ කරන කොල්ලෙක්. හාදයෙක් ඉස්කෝලේ යන ගමන්, හැමදාම පාන්දරින් නැගිටලා තාත්තගේ ටෝෆු කඩේට ඩෙලිවරි එකක් දානවා. ඒකත් නිකම් නෙමෙයි, අකිනා කන්දේ (Mt. Akina) තියෙන දරුණුම වංගු අස්සෙන්. එයා මේකට පාවිච්චි කරන්නේ තාත්තගේ පරණ ‘Toyota AE86’ (හචිරොකු) කියන කාර් කට්ටක්.

හැබැයි කවුරුත් දන්නේ නැති දෙයක් තියෙනවා. අවුරුදු ගාණක් තිස්සේ හැමදාම මේ කන්දේ ඩෙලිවරි ගිහින්, ටකුමිට නොදැනීම එයා මේ කන්දේ ඩ්‍රයිවින් ‘මාස්ටර්’ කෙනෙක් වෙලා. එයාට කන්දේ හැම වංගුවක්ම, හැම වලක්ම වතුර වගේ හුරුයි.

ටකුමිගේ යාළුවෝ නම් ඉන්නේ නීති විරෝධී ස්ට්‍රීට් රේසින් (Street Racing) වලට ඇබ්බැහි වෙලා. දවසක්, ‘NightKids’ කියලා ප්‍රසිද්ධ රේසින් ටීම් එකක් අකිනා කන්දට එනවා චැලේන්ජ් එකකට. කොහොමහරි ටකුමිගේ යාළුවෝ, අකමැත්තෙන් වුණත්, මෙයාව මේ රේස් එකකට අහු කරනවා.

හිතන්නකෝ, මේ පරණ ටෝෆු ඩෙලිවරි කාර් එකයි, අනිත් පැත්තේ තියෙන සුපිරිම සුපිරි ‘Skyline GT-R’ එකකුයි! ටකුමිට පුළුවන් වෙයිද ඒ ‘මැෂින්’ එක පරද්දන්න? එයාගේ ‘ටෝෆු ඩෙලිවරි’ ටෙක්නික් එක ඇත්ත රේස් එකකදී වැඩ කරයිද?

එතනින් පස්සේ තමයි නියම කතාව පටන් ගන්නේ. ටකුමි නොදැනුවත්වම මේ රේසින් ලෝකෙට අහුවෙනවා. ‘RedSuns’ වගේ තව දරුණු ටීම් එක්ක එයාට හැප්පෙන්න වෙනවා. මේ කොල්ලා මේ පරණ AE86 එකෙන් කන්දේ රජා වෙයිද? ඒක නම් ඉතින් ෆිල්ම් එක බලලම තමා දැනගන්න ඕන.