හිතන්නකො ජස්ටිස් ලීග් එකේ ඉන්න සුපිරිම වීරයෝ ටික—සුපර්මෑන්, වොන්ඩර් වුමන්, ෆ්ලෑෂ්, ග්‍රීන් ලැන්ටන්, මාෂන් මෑන්හන්ටර්—මේ හැමෝම එකම වෙලාවක, එයාලගේ ලොකුම දුර්වලතාවයට අහුවෙලා පරාද වෙනවා. හරියට කවුරුහරි එයාලගේ ඇතුළෙම රහස් දන්නවා වගේ.

මේ ප්‍රහාරය පිටිපස්සේ ඉන්නේ ‘ලීජන් ඔෆ් ඩූම්’ (Legion of Doom) කියන දුෂ්ටයන්ගේ කල්ලියක්. එයාලගේ ලොක්කා තමයි අමරණීය වැන්ඩල් සැවේජ් (Vandal Savage).
ඒත්… එයාලට කොහොමද ලීග් එකේ හැමෝගෙම රහස් මෙච්චර හරියටම දැනගන්න ලැබුණේ?

කතාවේ කුතුහලය තියෙන්නේ එතන. මේ හැමෝගෙම දුර්වලතා පාවිච්චි කරලා එයාලව නවත්තන හැටි ගැන සැලසුම් (Contingency plans) හදලා තියෙන්නේ ජස්ටිස් ලීග් එකේම කෙනෙක්! ඔව්, ඒ බැට්මෑන්.

එයා මේ ප්ලෑන් හැදුවේ කවදාහරි ලීග් එකේ අය නරක පැත්තට ගියොත් පාවිච්චි කරන්න. ඒත් දැන්, වැන්ඩල් සැවේජ් මේ ප්ලෑන් ටික හොරකම් කරලා, ලීග් එක විනාශ කරන්න පාවිච්චි කරනවා.

බැට්මෑන් ඇතුළුව මුළු ලීග් එකම පරාදයි. දැන් වැන්ඩල් සැවේජ් ලෑස්ති වෙන්නේ ලෝකෙන් බාගයක් විනාශ කරලා, එයාගේම අලුත් ශිෂ්ටාචාරයක් පටන් ගන්න. ලීග් එකේ අයට තමන්ගේම යාළුවා හදපු උගුල්වලින් බේරිලා, මේ විනාශය නවත්තන්න පුළුවන් වෙයිද? ඊටත් වඩා වැදගත් දේ, මේ සිද්ධියෙන් පස්සේ ලීග් එකේ අයට ආයෙත් බැට්මෑන්ව විශ්වාස කරන්න පුළුවන් වෙයිද?