“Knight and Day” කියන්නේ, අහම්බෙන් හමුවෙන අමුතුම රහස් ඒජන්තවරයෙක් ගැන.
ජූන් හේවන්ස් කියන සාමාන්‍ය කෙල්ලෙක්, එයාගේ ගෙදර යන ගමන් එයාර්පෝට් එකේදී රෝයි මිලර් කියන කඩවසම් මිනිහෙක්ව හම්බවෙනවා. මේ මනුස්සයා හරියට අද්භූත චරිතයක් වගේ.

නමුත් ඒ අහම්බෙන් සිදුවන හමුවීම ඇයව ලොකු කරදර ගොඩකට ඇද දමනවා. මොකද, මේ රෝයි කියන්නේ තමන්ගේම ඒජන්සියෙන් පැනලා යන රහස් නියෝජිතයෙක්. එයා හොයනවා හැමෝගෙම අවධානයට ලක්වෙලා තියෙන ‘සෙෆයර්’ කියලා හඳුන්වන වටිනා දෙයක්.
දැන් ජූන් මේ භයානක ගමනේ නොදැනුවත්වම හවුල්කාරියක් වෙලා.

එක පැත්තකින් ජූන්ට පේනවා, රෝයි කියන්නේ හැමෝම එයාගේ පස්සෙන් එන තමන්ගේ ජීවිතය බේරගන්න සටන් කරන වීරයෙක් කියලා. අනිත් පැත්තෙන්, රෝයි කියන්නේ රට පාවා දුන්නු භයානක අපරාධකාරයෙක් කියලා CIA එක කියනවා.

ලෝකය පුරා දිවෙන මේ දඩයම මැද ජූන්ට තීරණය කරන්න වෙනවා, මේ කඩවසම් ඒජන්තයා විශ්වාස කරන්න පුලුවන්ද නැද්ද කියලා.

ඇත්තටම රෝයි කවුද? එයාගේ මෙහෙයුම මොකක්ද? අන්තිමට ජූන් මේ සිද්ධිදාමයෙන් ගැලවෙන්නේ කොහොමද? බලන්නම වටින සුපිරි ඇක්ෂන් කතාවක්.