ඔබ හොල්මන් සහ අද්භූත කතාවලට (Horror/Thriller) කැමති නම් Lake Eerie කියන්නේ ඔබේ ඇඟ හිරිවැටෙන වර්ගයේ චිත්‍රපටයක්. මේ කතාව ගොඩක් වෙලාවට එකම ගෙයක් ඇතුලේ දිග හැරුණත්, ඒකෙන් දැනෙන බය සහ කුතුහලය නම් අඩුවක් නැහැ.

කතාව පටන් ගන්නේ කේට් කියන තරුණ වැන්දඹු කාන්තාවගෙන්. ඇය තමන්ගේ සැමියාගේ මරණයෙන් පස්සේ හිත හදාගන්නත් එක්ක “ඊරි” විල අද්දර තියෙන පරණ හුදකලා ගෙදරකට පදිංචියට එනවා. හැබැයි ඇය හිතපු විදිහේ නිදහසක් ඒ ගෙදර ඇතුලේ නැහැ. පදිංචියට ආපු දවසේ ඉඳන්ම ඇයට අමුතු අමුතු දේවල් පේන්නත් ඇහෙන්නත් ගන්නවා. මුලින්ම මේවා තමන්ගේ හිතේ තියෙන මානසික පීඩනය නිසා වෙන දේවල් කියලා ඇය හිතුවත්, පස්සේ තේරෙනවා මේක ඊට වඩා ලොකු අද්භූත බලවේගයක වැඩක් කියලා.

මේ ගෙදර කලින් හිටපු අයිතිකරුවා කවුද? ඒ ගෙදර ඇතුලේ මොන වගේ අභිරහසක්ද හැංගිලා තියෙන්නේ? කේට් ඒ ගෙදරින් පැනගන්න උත්සාහ කරනකොට ඇයට තේරෙනවා ඇය ඉන්නේ ලොකු උගුලක කියලා. දොරවල් වැහෙන සද්ද, අඳුරු රූප සහ හිතාගන්න බැරි සිදුවීම් එක්ක මේ ෆිල්ම් එක බලන ඔයාවත් නොදැනුවත්වම ඒ අද්භූත ලෝකයට අරන් යනවා. රෑට තනියම බලන්න පුළුවන් නම් මේකේ නියම ගැම්ම ගන්න පුළුවන්.