ඉතාලි සිනමාවෙන් ආපු Le assaggiatrici (At the Wolf’s Table) චිත්‍රපටය 2025 වසරේ ආපු වඩාත්ම සංවේදී සහ ගැඹුරු නිර්මාණයක් විදියට හඳුන්වන්න පුළුවන්. මේකේ කතාව යන්නේ දෙවැනි ලෝක යුද්ධය කාලේ. තරුණ කාන්තාවන් පිරිසකට අමුතුම විදියේ රැකියාවක් ලැබෙනවා. ඒ තමයි හිට්ලර්ට දෙන කෑම කන්න කලින් ඒවයේ වස තියෙනවද කියලා පරීක්ෂා කරන එක (Food Tasters). මේක ජීවිතයත් මරණයත් අතර කරන සෙල්ලමක් වගේ වැඩක්.

සෑම කෑම වේලක්ම ඔවුන්ගේ අවසාන කෑම වේල වෙන්න පුළුවන්. මේ තරුණියන් අතර තියෙන බැඳීම, ඔවුන් අත්විඳින බය සහ ඒ අස්සේ ඇතිවෙන ආදර කතා මේ චිත්‍රපටයට වෙනස්ම මානයක් එකතු කරනවා. කවුරුත් දන්නේ නැති ඉතිහාසයේ පැත්තක් ගැන තමයි මෙතනදී කතා කරන්නේ. යුද්ධයක තියෙන බිහිසුණු බව විතරක් නෙවෙයි, මනුස්සකම සහ බලාපොරොත්තුව ගැනත් මේකෙන් ලොකු පණිවිඩයක් දෙනවා. Le assaggiatrici 2025 movie story එක ගැන කියද්දී, ඒක හිත කම්පා කරන ඒ වගේම කුතුහලය උපරිමයෙන් තියෙන නිර්මාණයක්. තමන් කන කෑම වේලෙන් තමන් මැරෙයිද කියලා බලන් ඉන්න එක මොන වගේ හැඟීමක්ද කියලා මේක බලලම දැනගන්න.