මේක හරිම රසවත්, හිනාවෙලා බලන්න පුළුවන් ආදර කතාවක් (Romantic Comedy). මේ චිත්‍රපටය අධ්‍යක්ෂණය කරන්නේ Donald Petrie. ප්‍රධාන චරිතවලට පණ පොවන්නේ Emma Roberts (නිකී ලෙස) සහ Hayden Christensen (ලියෝ ලෙස).

කැනඩාවේ “පුංචි ඉතාලිය” (Little Italy) කියලා හඳුන්වන ප්‍රදේශයේ පවුල් දෙකක් ඉන්නවා. මේ පවුල් දෙකේ තාත්තලා දෙන්නා කාලෙකට කලින් හොඳම යාළුවෝ. දෙන්නා එකතුවෙලා පීසා බිස්නස් එකක් කරගෙන ගියා. හැබැයි මොකක් හරි රණ්ඩුවක් නිසා මේ යාළුකම කැඩෙනවා. දැන් දෙන්නා හතුරෝ වගේ, එකම පාරේ එහා පැත්තෙයි මෙහා පැත්තෙයි පීසා කඩ දෙකක් දාගෙන තරඟෙට බිස්නස් කරනවා.

නිකී කියන්නේ අර එක පවුලක දුවෙක්. එයා ලන්ඩන් ගිහින් ඉවුම් පිහුම් ඉගෙනගෙන ලොකු සූපවේදියෙක් වෙන්න හීන දකින කෙනෙක්. එයා නිවාඩුවට ආපහු ගෙදර එනවා. එහෙදි එයාට ආයෙත් හම්බවෙනවා එයාගේ පොඩි කාලේ හොඳම යාළුවා වුණ, අර හතුරු පවුලේ පුතා, ලියෝව.

ඉතින් මේ දෙන්නා ආයෙත් මුණගැහුණම පරණ යාළුකම අලුත් වෙයිද? නැත්නම් තාත්තලාගේ රණ්ඩුව මැද්දට ඇවිත් මේ දෙන්නත් හතුරෝ වෙයිද? ඒ අතරේම ගමේ පවත්වන ලොකු පීසා තරඟයකටත් මේ පවුල් දෙකම ලෑස්ති වෙනවා.

මේ පරණ පවුල් ආරවුල අස්සේ නිකීටයි ලියෝටයි එකතු වෙන්න පුළුවන් වෙයිද? අර රණ්ඩුවට මුල මොකක්ද? මේවා දැනගන්න නම් ඔයාලට මේ ලස්සන චිත්‍රපටය බලන්නම වෙනවා!