Los renglones torcidos de Dios (2022) Sinhala Subtitle | සිංහල උපසිරැසි
ඔයාලා ආසම කරන්නේ මොළයට හොඳට වැඩ දෙන, අන්තිම මොහොත වෙනකම්ම හිතාගන්න බැරි ත්රාසජනක (Psychological Thriller) ෆිල්ම්ස් බලන්නද? එහෙනම් ස්පාඤ්ඤ සිනමාවෙන් ආපු මේ විශිෂ්ට නිර්මාණය ඔයාලට මඟහරින්නම බැහැ. කතාවේ ප්රධාන චරිතය ඇලිස් ගුල්ඩ්. ඇය පෞද්ගලික රහස් පරීක්ෂකවරියක්. ඇලිස්ට ලැබෙනවා අමුතුම විදියේ රාජකාරියක්. ඒ තමයි මානසික රෝහලක් ඇතුළේ සිද්ධ වුණු සැකකටයුතු මරණයක් ගැන සෙවීම.
මේ මරණයේ ඇත්ත නැත්ත හොයන්න ඇලිස් කරන්නේ පුදුම වැඩක්. ඇය තමන්ට මානසික රෝගයක් තියෙනවා කියලා බොරු ලේඛන හදාගෙන, රෝගියෙක් විදිහට මේ මානසික රෝහලට ඇතුළත් වෙනවා. රෝහල ඇතුළේ ඉන්න රෝගීන් සහ දොස්තරලා එක්ක කතා කරලා ඇය රහස් හොයන්න පටන් ගන්නවා. හැබැයි කාලය ගත වෙද්දී හැමදේම අවුල් වෙන්න ගන්නවා. ඇලිස් හොයාගන්න සාක්ෂි සහ ඇය දකින දේවල් ඇත්තද නැත්තම් ඇගේ මනස්කල්පිතයන්ද කියලා කාටවත් හිතාගන්න බැරි වෙනවා.
දොස්තරලා කියන්නේ ඇලිස්ට ඇත්තටම මානසික රෝගයක් තියෙනවා කියලයි. ඇලිස් කියන්නේ ඇය රහස් පරීක්ෂකවරියක් කියලයි. ඇත්තටම කවුද නිවැරදි? ඇලිස් ඇත්තටම රහස් පරීක්ෂකවරියක්ද? නැත්නම් ඇය තමන්ගේම මනෝභාවයන් අතර අතරමං වුණු රෝගියෙක්ද? අවසාන තත්පරය වෙනකම්ම ඔයාලගේ ඇස් අරවන්න බැරි වෙන විදියේ කුතුහලයක් මේ කතාවේ තියෙනවා. මේක නම් අනිවාර්යයෙන්ම බලන්නම ඕනේ පිස්සු හැදෙන ෆිල්ම් එකක්!