Cast: Mathew Thomas, Manoj K. Jayan, Sivaangi Krishnakumar (Voice) Director: Dileesh Nair

ඔන්න මලයාලම් ෆිල්ම් බලන අයට එන සුපිරිම සහ හරිම වෙනස් කතාවක්. මේකේ ප්‍රධාන චරිතය තමයි බොනී. බොනී කියන්නේ හරිම අහිංසක තරුණ කොල්ලෙක්. එයාට වෙන්නේ හරිම අකරතැබ්බයක්. නොකරපු වරදකට බොනීට හිරේ යන්න සිද්ධ වෙනවා. හිරේ දාපු කාමරේ එයාට තනියට කවුරුත් නෑ. හැබැයි ටික වෙලාවකින් එයාට අමුතු යාලුවෙක් හම්බවෙනවා. විශ්වාස කරන්න යාලුවනේ, මේ යාලුවා මනුස්සයෙක් නෙවෙයි, මේක මැස්සෙක්! ඔව්, ගෙවල්වල ඉන්න සාමාන්‍ය මැස්සෙක්. හැබැයි මේ මැස්සා නිකන්ම මැස්සෙක් නෙවෙයි, ඌට කතා කරන්නත් පුළුවන්. බොනී මේ මැස්සට දාන නම තමයි “Lovely”.

ඉතින් මේ හිර කුටිය ඇතුලේ බොනී සහ ලව්ලි අතරේ මාර හිතවත්කමක් ගොඩනැගෙනවා. බොනී තමන්ගේ දුක කියන්නේ මේ මැස්සට. මැස්සත් බොනීට ෆුල් සප් එක දෙනවා. කොහොම හරි ටික දවසකින් බොනීට ඇප ලැබිලා එළියට එන්න වෙනවා. හැබැයි එතකොට තමයි ලොකුම ප්‍රශ්නේ එන්නේ. බොනීට ගෙදර ගියාට පස්සේ ලව්ලිව, ඒ කියන්නේ අර මැස්සව මතක් වෙන්න ගන්නවා. එයාට මැස්සා නැතුව පාළුයි. දැන් මනුස්සයා මොකද කරන්නේ? ආයේ හිරේ යන්න ප්ලෑන් කරනවා! පිස්සු වගේ නේද? තමන්ගේ මැස්සා යාලුවව බලන්න ආයේ හිරේ යන්න දඟලන කොල්ලෙක් ගැන තමයි මේ ෆිල්ම් එකේ තියෙන්නේ. මේ මැස්සා ඇත්තටම කවුද? මැස්සා නිසා බොනීගේ ජීවිතේ මොන වගේ වෙනස්කම් වෙයිද? හිනා වෙවී, සමහර වෙලාවට ඇස් වලට කඳුළු එන තරමේ සංවේදී තැන් තියෙන ලස්සන ෆැන්ටසි කතාවක් මේක. ජීවිතේ පොඩි දේවල් වලින් ලැබෙන ලොකු සතුට ගැන මේ ෆිල්ම් එකෙන් ලස්සනට කියල දෙනවා.