‘Major Grom: Plague Doctor’ (2021) කියන්නේ පට්ට රුසියානු ඇක්ෂන් ෆිල්ම් එකක්. මේක අධ්‍යක්ෂණය කරලා තියෙන්නේ Oleg Trofim. ප්‍රධාන චරිතය, ඒ කියන්නේ ‘මේජර් ග්‍රෝම්’ට පණ පොවන්නේ Tikhon Zhiznevsky.

ශාන්ත පීටර්ස්බර්ග් නගරයේ ඉන්නවා ඊගෝර් ග්‍රෝම් කියලා පොලිස් මේජර් කෙනෙක්. මෙයා ටිකක් නීති නමන, හිතුවක්කාර, ඒත් අපරාධකාරයෝ අල්ලන්න උපන් හපන් ඩයල් එකක්.

ඔහොම ඉන්නකොට, නගරයේ එකපාරටම අමුතුම චරිතයක් මතු වෙනවා. එයා තමන්ව හඳුන්වන්නේ “වසංගත දොස්තර” (Plague Doctor) කියලා. හයි-ටෙක් ඇඳුමක් ඇඳගෙන, අමුතු මාස්ක් එකක් දාගෙන, ගිනි විදින ආයුධ (flamethrowers) අරගෙන තමයි එයා එළියට බහින්නේ.

මේ ඩොක්ටර්ගේ ටාගට් එක තමයි, නීතියෙන් බේරිලා, සල්ලි බලෙන් හැමදේම යට ගහන දූෂිත ලොක්කෝ. එයා මේ අයව අල්ලගෙන, මිනිස්සු ඉස්සරහා ප්‍රසිද්ධියේ පණපිටින් පුච්චලා මරනවා.

වැඩේ කියන්නේ, සාමාන්‍ය මිනිස්සුන්ට මෙයාව මාර ‘හීරෝ’ කෙනෙක් වෙනවා. “පොලිසියට කරන්න බැරි දේ මෙයා කරනවා” කියලා මිනිස්සු එයාට සපෝට් කරනවා.
දැන් මේජර් ග්‍රෝම්ට පැවරෙන්නේ මේ අභිරහස් ‘වසංගත දොස්තර’ කවුද කියලා හොයාගෙන, එයාව නීතිය ඉස්සරහට ගේන්න. ග්‍රෝම්ට මේ වැඩේදී එයාගේ අලුත් සහයකයා ඩිමා සහ නිර්භීත බ්ලොග් ලියන යුවතියක් වන යූලියා උදව් කරනවා.

ග්‍රෝම් මේ ‘ඩොක්ටර්’ පස්සේ පන්නනකොට තමයි සෙල්ලම පටන් ගන්නේ. ඇත්තටම වීරයා කවුද? දුෂ්ටයා කවුද? ග්‍රෝම් කොහොමද මේ මාස්ක් එක පිටිපස්සේ ඉන්න කෙනාව හොයාගන්නේ?