ඇත්තටම මේක හරිම වෙනස්, පිස්සු වගේම ලස්සන චිත්‍රපටියක්!
කතාව යන්නේ 1983 වර්ෂයේ. කැලෑවක සාමකාමීව ජීවත් වෙනවා රෙඩ් (Red Miller) සහ ඔහුගේ පෙම්වතිය වන මැන්ඩි (Mandy Bloom). රෙඩ් ලී කපන රැකියාවක් කරන, හරිම ආදරණීය කෙනෙක්. මැන්ඩි ටිකක් අමුතු, ලස්සන චිත්‍ර අඳින කලාකාරියක්.
ඒත් එක දවසක්… හැමදේම උඩුයටිකුරු වෙනවා.

ජෙරමියා සෑන්ඩ් (Jeremiah Sand) කියන අන්තවාදී නිකායක (cult) නායකයා මැන්ඩිව දකිනවා. එයාට මැන්ඩි ගැන ලොකු ‘පිස්සුවක්’ හැදෙනවා. එයා මේ වෙනුවෙන් භයානක පාපැදි කල්ලි (Black Skulls Biker Gang) එකක් පාවිච්චි කරලා මැන්ඩිව පැහැරගන්නවා.
ඊට පස්සේ… වෙන්නේ දරුණුම දේ. රෙඩ්ගේ ඇස් දෙක ඉස්සරහා මැන්ඩිට අමානුෂික විදියට වධ දීලා, එයාව මරලා දානවා.

ඔතනින් පටන් ගන්නවා රෙඩ්ගේ පළිගැනීමේ ගමන. ඒක සාමාන්‍ය පළිගැනීමක් නෙවෙයි. දුක, කෝපය, සහ දරුණු මායාකාරී දර්ශන එක්ක මිශ්‍ර වුණු, ලේ තැවරුණු නිරයක් වගේ ගමනක්. රෙඩ් ඔහුගේ මරණාසන්න තත්වයෙන් නැගිටලා, ගෙදර හැදූ සටන් පොරොවක් අතට අරන්, මේ නිකායේ සහ පාපැදි කල්ලියේ හැමෝම හොයාගෙන යනවා.

ඉතින්, මේ පිස්සු වගේ පෙනෙන ලෝකයේ, එකම ආදරය වෙනුවෙන් රෙඩ් කරන සටනට මොකද වෙන්නේ?