මේක 2000 අවුරුද්දේ ආපු විද්‍යා ප්‍රබන්ධ (Sci-Fi) චිත්‍රපටයක්. මේක අධ්‍යක්ෂණය කළේ Brian De Palma විසින්. ප්‍රධාන චරිතවලට Gary Sinise, Tim Robbins, Don Cheadle සහ Connie Nielsen වගේ දක්ෂ නළු නිළියන් පිරිසක් එකතු වෙලා ඉන්නවා.

කතාව පටන් ගන්නේ අනාගතයේ දවසක. හරියටම කිව්වොත් මිනිස්සු පළවෙනි වතාවට අඟහරු ලෝකෙට (Mars) යන මෙහෙයුමකින්. මේ කණ්ඩායම අඟහරු මතුපිටට ගොඩ බැහැලා පරීක්ෂණ කරද්දී, ඒ අයට හරි අමුතු දෙයක් දකින්න ලැබෙනවා. කන්දක් වගේ පේන යම්කිසි අද්භූත ව්‍යුහයක් මෙයාලට හම්බවෙනවා.

හැබැයි එකපාරටම එන අමුතු කුණාටුවක් නිසා මේ කණ්ඩායමේ ගොඩක් අය ජීවිතක්ෂයට පත් වෙනවා. අන්තිමට එක්කෙනෙක් විතරක් කොහොමහරි බේරිලා අඟහරු මත තනි වෙනවා. ඉතින් පෘථිවියේ ඉඳන් තවත් යාළුවෝ කණ්ඩායමක් එනවා මේ අතරමං වුන කෙනාව බේරාගන්න (Rescue Mission).

මේ දෙවෙනි කණ්ඩායමටත් එන අතරමගදී නොහිතපු අනතුරු වලට මූණ දෙන්න වෙනවා. කොහොමහරි අමාරුවෙන් අඟහරු වලට ගියාට පස්සේ තමයි මේ අයට තේරෙන්නේ අර මුලින් දැක්ක “මූණක් වගේ පෙනුන කන්ද” නිකන්ම ගලක් නෙවෙයි කියලා. ඒකෙන් එන අමුතු ශබ්ද (Sound signals) මොනවද? ඒක පිටසකවල ජීවීන්ගේ වැඩක්ද?

ඇත්තටම පෘථිවියේ අපි හැදුනේ කොහොමද කියන එකට උත්තරේ මේක ඇතුලේ තියෙනවාද? අන්න ඒ රහස දැනගන්න නම් ඔයාලට මේ ෆිල්ම් එක බලන්නම වෙනවා. අන්තිම හරිය වෙනකම්ම කුතුහලය උපරිමයි!