ෂර්ලොක් හෝම්ස් කිව්වම අපේ මතකයට එන්නේ තොප්පියක් දාගෙන, පයිප්පයක් උරමින්, ඕනෑම අභිරහසක් විසඳන තරුණ රහස් පරීක්ෂකයානේ. හැබැයි Mr. Holmes (2015) චිත්‍රපටයේ ඉන්නේ අපි කවුරුත් දැකපු හෝම්ස් නෙවෙයි. මේ හෝම්ස් අවුරුදු 93ක වයසක මනුස්සයෙක්. ඔහු දැන් රහස් පරීක්ෂක වැඩවලින් අයින් වෙලා, ගම්බද පළාතක මීමැස්සෝ ඇති කරමින් ඉතාම නිහඬ ජීවිතයක් ගත කරන්නේ.

ඔහුගේ මතකය ටිකෙන් ටික අඩුවෙමින් පවතිනවා. හැබැයි ඔහුට තවමත් එක දෙයක් අමතක කරන්න බැහැ. ඒ තමයි මීට අවුරුදු 30කට කලින් ඔහු විසඳන්න උත්සාහ කරලා අසාර්ථක වුණු, ඒ වගේම ඔහුගේ රහස් පරීක්ෂක ජීවිතය නතර කරන්න හේතු වුණු අන්තිම අභිරහස. හෝම්ස් උත්සාහ කරනවා තමන්ගේ මතකය අලුත් කරගෙන ඒ අභිරහස සම්පූර්ණයෙන් විසඳන්න. ඔහුට මේ වැඩේට උදව් වෙන්නේ ඔහුගේ නිවසේ සේවිකාවගේ පුංචි පුතා.

මේ චිත්‍රපටය අනිත් හෝම්ස් කතාවලට වඩා ගොඩක් වෙනස්. මේකේ තියෙන්නේ ලොකු සටන් දර්ශන නෙවෙයි, මනුෂ්‍ය හැඟීම් සහ වයසට යෑම ගැන ගැඹුරු කතාවක්. ලෝක ප්‍රකට බුද්ධිමතෙක් තමන්ගේම මතකය එක්ක සටන් කරන විදිහ දකිද්දී හිතට ලොකු දුකක් දැනෙනවා. හැබැයි ඒ අතරෙම තියෙන අභිරහස නිසා කුතුහලයත් අඩුවක් නැතුව තියෙනවා. ඉයන් මැක්ලන්ගේ රංගනය නම් අති විශිෂ්ටයි. ඔයා ෂර්ලොක් හෝම්ස්ගේ රසිකයෙක් නම්, මේ “වෙනස්ම” හෝම්ස්ව