ඇලිස් කියන්නේ තමන්ගෙ වැඩක් කරගෙන රෑ ගමනක් යන ගෑනු ළමයෙක්. මහ රෑ මැදියමේ, වාහනේට තෙල් ටිකක් ගහගන්න ඕන නිසා මෙයා පාළු පාරක තියෙන ගෑස් ස්ටේෂන් එකකට වාහනේ නවත්තනවා. ඒක තියෙන්නෙත් කවුරුවත් නැති පාළු පළාතක.

මෙයා කඩේ ඇතුළට ගිහින් බඩුවක් ගන්න හදනකොටම, එකපාරටම වෙඩිල්ලක් පත්තු වෙනවා. වෙඩිල්ල වැදිලා මෙයා බිම වැටෙනවා. ඇලිස් ගැස්සිලා බලනකොට තේරෙනවා, කවුරුහරි ස්නයිපර් කෙනෙක් එළියේ ඉඳන් මෙයාව ඉලක්ක කරගෙන ඉන්නෙ කියලා.

දැන් ඇලිස් ඒ පොඩි කඩේ ඇතුළේ හිරවෙලා. එළියට ඔළුව දැම්මොත් වෙඩි කන්න වෙනවා. වැඩේ කියන්නේ, මේක නිකම්ම නිකම් පිස්සෙක් කරන වැඩක් නෙවෙයි. ටිකකින් අර ස්නයිපර්කාරයා වෝකී ටෝකියක් හරහා ඇලිස්ට කතා කරනවා.

එතකොටයි ඇලිස්ට තේරෙන්නේ, මේ මනුස්සයා තමන් ගැන දේවල් දන්නවා, මේක පරණ කේස් එකකට කරන පලිගැනීමක් කියලා. එළිය විදිනකම් මේ වෙඩි උණ්ඩවලින් බේරිලා, තමන්ව මරන්න හදන මේ අභිරහස් මිනීමරුවා කවුද කියලා හොයාගන්න ඇලිස්ට පුළුවන් වෙයිද? නැත්නම් මේ ගෑස් ස්ටේෂන් එකම එයාගෙ මිනී පෙට්ටිය වෙයිද? මුළු රැයක් තිස්සෙම යන්නේ ජීවත් වෙන්න කරන මාරාන්තික සෙල්ලමක්.