ඇඩී කියන්නේ චිකාගෝ යුනිවර්සිටි යන්න බලාගෙන ඉන්න, සාමාන්‍ය ජීවිතයක් ගත කරන කොල්ලෙක්. එයාගේ හොඳම යාළුවා තමයි කෙවින්. තව ඉන්නවා ෆීබි. ෆීබි කියන්නේ ඇඩීගේ පෙම්වතිය වගේ, ඒත් ටිකක් වෙනස් සම්බන්ධයක් තියෙන කෙල්ලෙක්.

එක්තරා දවසක කෙවින් වෙඩි තියලා මරනවා. හැබැයි පොලිසියයි, මාධ්‍යයයි මේක කියන්නේ ගැන්ග් එකක් නිසා වුණ මරණයක් කියලා. ඇඩීට මේක නම් කිසිසේත්ම පිළිගන්න බැහැ.
“කෙවින් එහෙම නරක වැඩවලට සම්බන්ධ නෑ!” ඇඩීට විශ්වාසයි.
ඉතින් මොකද කරන්නේ? පොලිසිය අවධානයක් දෙන්නේ නැති නිසා, ඇඩී තීරණය කරනවා තනියම මේක හොයන්න.

“මට ඇත්ත දැනගන්න ඕනේ, කෙවින්ව මැරුවේ කවුද?”
එයා මේ වැඩේට ෆීබිවත් එකතු කරගන්නවා. දෙන්නා එකතු වෙලා වොෂින්ටන් ඩී.සී. වල අඳුරු පැතිවලට කිමිදෙනවා. එතන ඉන්නේ මත්ද්‍රව්‍ය ජාවාරම්කාරයෝ. කෙවින්ගේ මරණයට ගැන්ග් එකක් සම්බන්ධ නෑ කියලා හිතුවත්, මේ පරීක්ෂණය ඇඩීව ගෙනියන්නේ ලොකු රහසක් ඇතුළට.

ඇඩීට තේරෙනවා මේක එයා හිතුවට වඩා ගොඩක් භයානක කතාවක් කියලා. ඇත්ත හොයන්න ගිහින් එයා තමන්ගේ ජීවිතේ අනතුරේ දාගන්නවා.

ඇත්තටම කෙවින්ව මැරුවේ කවුද? ඇයි එහෙම කළේ? ඇඩී මේ රහස එළි කරගනීද? එයාගේයි, ෆීබිගේයි සම්බන්ධෙත් මේ අනතුර මැද කොහොමද වෙනස් වෙන්නේ? මේක ටිකක් හිතාගන්න බැරි, අවුල් ජාලයක්.