එක පාරටම ඔයාව කවුරුහරි අඳුරු කාමරයක අවුරුදු 20ක් හිර කළොත් කොහොම තියෙයිද?
“Oldboy” (2013) කතාවේ ඉන්න ප්‍රධාන චරිතය තමයි ජෝ ඩොසෙට්. මෙයා එච්චර හොඳ ජීවිතයක් ගෙවන කෙනෙක් නෙවෙයි. දවසක් රෑ, මෙයා හොඳටම බීලා ඉන්න වෙලාවක කවුදෝ කට්ටියක් මෙයාව පැහැරගෙන යනවා.

ජෝට ඇහැරෙනකොට එයා ඉන්නෙ ජනේලයක්වත් නැති, කවුරුවත් එක්ක කතා කරන්න බැරි අමුතුම හොටෙල් කාමරයක. කවුද හිර කළේ? ඇයි හිර කළේ? කිසිම දෙයක් දන්නෙ නෑ. එයාට කන්න බොන්න ලැබෙනවා, බලන්න ටීවී එකක් තියෙනවා.

මෙයා මේ කාමරේ අවුරුදු 20ක් තිස්සෙ හිරවෙලා ඉන්නවා. ටීවී එකෙන් තමයි එළියේ ලෝකේ දකින්නෙ. එයාගෙ බිරිඳව මරලා දාලා, ඒ මිනීමැරුම මෙයාගෙ පිට දාලා කියලත් මෙයා දැනගන්නවා.

හරියටම අවුරුදු 20ක් ගියාට පස්සෙ, එයාව පැහැරගත්ත විදිහටම එකපාරටම එළියට දානවා.
දැන් ජෝට තියෙන්නෙ එකම එක ඉලක්කයක්. ඒ තමයි, එයාව හිර කරපු මිනිහව හොයාගන්න එක සහ ඇයි එහෙම කළේ කියලා දැනගන්න එක.

ජෝ මේක හොයාගෙන යනකොට, එයාට තේරෙනවා මේක සරල පළිගැනීමක් නෙවෙයි කියලා. එයාව හිර කරපු කෙනා, ජෝ එක්ක හරිම භයානක, කුරිරු ගේම් එකක් ප්ලේ කරනවා. ජෝ ඇත්ත හොයාගෙන යන්න යන්න, එයා තවත් දරුණු උගුලක පැටලෙනවා.
අන්තිමට එළිවෙන රහස, අවුරුදු 20ක් හිරේ හිටියටත් වඩා දරුණු එකක්. ඇත්තටම ජෝට මෙහෙම වුණේ ඇයි? ඒක තමයි කතාව.