ඔයාලා Shark movies බලන්න ආස කෙනෙක් නම්, Open Water 3: Cage Dive (2017) කියන්නේ අනිවාර්යයෙන්ම බලන්න ඕන ෆිල්ම් එකක්. මේක ගොඩක් වෙලාවට අපිට දකින්න ලැබෙන සාමාන්‍ය මෝරු ඉන්න චිත්‍රපටවලට වඩා ටිකක් වෙනස්. මොකද මේක රෑගත කරලා තියෙන්නේ “Found Footage” කියන ක්‍රමයට. ඒ කියන්නේ චිත්‍රපටයේ ඉන්න චරිතම කැමරාවකින් ගත්ත වීඩියෝ පෙළක් අපිට බලනවා වගේ හැඟීමක් මේකෙන් ලැබෙන්නේ.

කතාව පටන් ගන්නේ යාළුවෝ තුන් දෙනෙක්ගෙන්. ජොෂ්, ජෙෆ් සහ මේගන් කියන මේ තුන් දෙනාට ඕන වෙනවා රියැලිටි ෂෝ එකකට වීඩියෝ එකක් කරන්න. ඒ වෙනුවෙන් ඔවුන් තෝරා ගන්නේ ඔස්ට්‍රේලියාවේ මෝරු ඉන්න මුහුදේ කූඩුවක බැහැලා කරන “Cage Dive” එකක්. මුලින්ම ගොඩක් සතුටින්, විනෝදයෙන් පටන් ගන්න මේ ගමන හිතාගන්න බැරි විදිහට වෙනස් වෙන්නේ මුහුදේ ඇතිවෙන ලොකු රළ පහරක් නිසා ඔවුන්ගේ බෝට්ටුව පෙරළිලා යනවත් එක්කයි.

දැන් මේ තුන් දෙනා ඉන්නේ මහ මුහුද මැද. බෝට්ටුවක් නෑ, උදව්වට කවුරුත් නෑ. හැබැයි තනිවෙලා නම් නෑ. මොකද ලේ සුවඳ දන්න බඩගිනි වෙච්ච සුදු මෝරු රංචුවක් ඔවුන් වට කරලා ඉන්නේ. මුහුද මතුපිට පාවෙමින් ඉන්න මේ තුන් දෙනාට රෑ වෙනකොට මුහුණ දෙන්න වෙන භීෂණය වචනයෙන් කියන්න බැරි තරම්. මේගොල්ලන්ට ජීවිතේ බේරගන්න පුළුවන් වෙයිද? නැත්නම් මෝරුන්ට ගොදුරු වෙයිද? ඒ වගේම මේ මාරක ගමන අස්සේ ඔවුන් අතර තියෙන රහස් එළියට එනකොට කතාව තවත් සංකීර්ණ වෙනවා. කුතුහලය උපරිමයට තියෙන මේ චිත්‍රපටය බැලුවොත් ඔයාලටත් දැනෙයි මුහුද කියන්නේ කොයිතරම් භයානක තැනක්ද කියලා.