කතාව පටන් ගන්නේ 13 වැනි සියවසේ අයර්ලන්තයේ. ඒ කාලේ කියන්නේ බිහිසුණු යුද්ධ, ගෝත්‍රික ගැටුම්, නෝමන් ආක්‍රමණ වලින් රටම අවුල් වෙච්ච කාලයක්.

මේ හැමදේකටම මැදි වුණු දුරස්ථ ආරාමයක ඉන්නවා හාමුදුරුවරු පිරිසක්. එයාල ළඟ තියෙන්නේ පුදුම හයියක් තියෙන, හැමෝම හොයන, බොහොම පූජනීය වස්තුවක් (Relic). මේකේ බලය ගැන කියන්නේ, ඒක අල්ලන්න තරම් පිරිසිදු නැති කාටවත් ඒක ළඟ තියෙන්න බැහැ කියලා.

ඉතින්, පාප් වහන්සේගෙන් නියෝගයක් එනවා, මේ වස්තුව රෝමෙට අරන් යන්න කියලා. මේකෙන් බලාපොරොත්තු වෙන්නේ, ඉදිරියේ එන යුද්ධයකට උදව් ගන්න. හාමුදුරුවරුන්ට මේ ගමන යන්නම වෙනවා. ඒ අය අතරේ ඉන්නවා තරුණ හාමුදුරු නමක් (ඩයර්මුයිඩ්), කීප බසක් කතා කරන්න පුළුවන් තවත් හාමුදුරු නමක්, වචනයක්වත් කතා නොකරන, අමුතුම හැසිරීමක් තියෙන මුණ්ඩයෙක් (The Mute). මේ මුණ්ඩයා ඇත්තටම කවුද කියලා කාටවත් හරියටම දන්නේ නෑ.

මේ අවදානම් ගමන පටන් ගත්තට පස්සේ තමයි වැඩේ පත්තු වෙන්නේ.
යන අතරමගදී එයාලට මුහුණ දෙන්න වෙනවා භයානක ගැටුම් වලට. ගෝත්‍රික සටන්කාමීන් වගේම, නෝමන් බලකායනුත් මේ වස්තුව කොහොම හරි අයිති කරගන්න ලේ පිපාසයෙන් ඉන්නේ.

හාමුදුරුවරුන්ගේ පූජනීය මෙහෙයුම හැරෙනවා නොනවතින යුද්ධයක් බවට.
ගමන පුරාවටම හෙළිවෙනවා හාමුදුරුවරුන්ගේ ඇත්ත අරමුණු. මුණ්ඩයාගේ අතීතය!
දැන් තියෙන ලොකුම ප්‍රශ්නේ මේකයි: මේ හාමුදුරුවරුන්ට මේ වස්තුව රෝමෙට අරන් යන්න පුළුවන් වෙයිද? එහෙම නැතිනම්, මේකේ පුදුම බලය නිසා අතරමගදී එයාලා හැමෝම විනාශ වෙලා යයිද?

කතාව ඉස්සරහට යද්දී තේරෙයි, සමහර වෙලාවට දෙවියන්ගේ වැඩ කරන මිනිස්සුන්ටත් තියෙන්නේ යක්ෂයින්ටත් වඩා දරුණු චේතනා කියලා. එහෙනම් බලන්න, අන්තිමට මේ පූජනීය වස්තුව කාගේ අතට යයිද කියලා!