අධ්‍යක්ෂණය: තෝමස් සිබන් (Thomas Sieben) ප්‍රධාන නළු නිළියන්: ඩේවිඩ් ක්‍රොස් (රෝමන්), හැන්නෝ කොෆ්ලර් (ඇල්බට්), මරියා අර්හ්රිච් (ඊවා).

රෝමන් කියන තරුණයා තමන්ගෙ මල්ලි ඇල්බට් සහ තවත් යාළුවෝ තුන්දෙනෙක් එක්ක කැලෑවක පොඩි හයිකින් ට්‍රිප් එකක් (Hiking trip) යන්න ප්ලෑන් කරනවා. මේක නිකන්ම නිකන් විනෝද ගමනක් නෙමෙයි, රෝමන්ගේ බැචලර් පාටි එක (Bachelor party) සමරන්න තමයි මේ ගමන යන්නේ.

මුලදී මේ ගමන හරිම විනෝදජනකයි. කට්ටියම සතුටින්, විහිළු තහළු කරගෙන කැලේ ඇතුළට යනවා. ඒත් එකපාරටම මේ සතුට ත්‍රාසයකට පෙරළෙනවා. කැලේ ඇතුළෙන් ඇහෙන අද්භූත වෙඩි හඬක් එක්කම මේ යාළුවෝ කණ්ඩායම තේරුම් ගන්නවා තමන්ව කවුරුහරි දඩයම් කරන්න පටන් අරගෙන කියලා.

කිසිම පෙනෙන සතුරෙක් නෑ, වෙඩි උණ්ඩ එන්නේ කොහෙන්ද කියලවත් හොයාගන්න බැහැ. ෆෝන් වැඩ කරන්නේ නෑ, උදව් ඉල්ලන්න විදිහක් නෑ. දැන් මේ අයට තියෙන්නේ එකම එක අරමුණයි. ඒ තමයි කොහොමහරි ජීවිතේ බේරගෙන කැලෙන් එළියට පැනගන්න එක.

මේ අදෘශ්‍යමාන වෙඩික්කාරයා කවුද? ඇයි මේ අහිංසක තරුණයන්ව ඉලක්ක කරන්නේ? යාළුවෝ පස්දෙනා අතර තියෙන රහස් මොනවද? මේ ප්‍රශ්නවලට උත්තර හොයන ගමන්, ජීවිතයත් මරණයත් අතර කරන ත්‍රාසජනක සටනක් තමයි Prey කියන්නේ.

මේක නිකන්ම සර්වයිවල් මූවි (Survival movie) එකක් නෙමෙයි, අන්තිම මොහොත වෙනකම්ම කුතුහලය තියාගෙන බලන්න පුළුවන් සුපිරි ත්‍රිලර් එකක්!