කතාව පටන් ගන්නේ මාක් ජාවිස් කියන සාර්ථක කලාකරුවාගෙන්. එයාට දරුණු පිළිකාවක් හැදෙනවා. ඉතින්, තමන් අකාලයේ මැරෙනවට වඩා, මාක් තීරණය කරනවා අලුත්ම විද්‍යාත්මක ක්‍රමයක් අත්හදා බලන්න. ඒ තමයි ක්‍රයොජනික් තාක්ෂණයෙන් තමන්ගේ ශරීරය අයිස් කරලා තියන්න. අනාගතයේදී ඒකට ප්‍රතිකාර හොයාගත්තොත් ආපහු අවදි වෙන්න පුළුවන් වෙයි කියලා හිතාගෙන.

ඉතින්, එයා ඒකට ලෑස්ති වෙනවා. තමන්ගේ ආදරේ තිබුණු නයෝමිව දාලා යන එක එයාට ලොකු දුකක්.

අවුරුදු හැත්තෑවකට පස්සේ, ඒ කියන්නේ 2084 අවුරුද්දේ, විද්‍යාඥයන් මාර්ක්ව ආපහු අවදි කරන්න සමත් වෙනවා. එයා තමයි ඒ විදිහට නැවත ජීවය ලබන පළමු පුද්ගලයා! හැබැයි, මෙයාට ලැබෙන්නේ පුදුමාකාර ලෝකයක්. එයාගේ ශරීරය හොඳටම වෙනස් වෙලා. තමන්ගේ අතීත ජීවිතය ගැන මතකයන් එයාට ‘මයික්රොචිප්’ හරහා බලන්න සිද්ධ වෙනවා.

දැන් මාක් ජීවත් වෙන්නේ අලුත්, සිසිල්, තාක්ෂණයෙන් පිරි ලෝකයක. එයා හිතපු විදිහට මේ නැවත ඉපදීම හරිම සතුටුදායක දෙයක් නෙවෙයි කියලා ටික ටික තේරෙනවා. එයාගේ ජීවිතේ තිබුණු අරමුණු, ආදරය… ඒ හැමදේම මේ අලුත් ලෝකයේ අහිමි වෙලා වගේ.

මාර්ක්ට ප්‍රශ්න ගොඩක් එනවා. ජීවිතය කියන්නේ මොකක්ද? මරණය වළක්වන්න පුළුවන් වුණාට, ඒකෙන් අපි සතුටු වෙනවද? තමන් ආපහු ඇහැරුණේ ඇයි කියන දේ ගැනත් එයාට සැක හිතෙනවා.

අවසානයේදී එයා හිතනවා වගේම හැමදේම එයාට පාලනය කරන්න පුළුවන්ද? නැත්නම්, එයා මේක ඇතුලේ හිරවෙලාද? එයාගේ ආදරේ තිබුණු නයෝමිට මොකද වුණේ? ඒ හැමදේම දැනගන්න පුළුවන් වෙන්නේ කතාව බලද්දී තමයි!