මචං, මේක නියමෙටම ගැලපෙන්නේ ‘ගයි රිචී’ වර්ගයේ ඇක්ෂන් කොමඩි ෆිල්ම් එකකට!
කොහොමද යාලුවනේ, ඔයාලා හිතනවද හොරකමක් කරලා ලේසියෙන්ම සල්ලිත් අරන් පැනලා යන්න පුළුවන් කියලා? ‘Redirected’ චිත්‍රපටයේ ඉන්න මේ යාළුවෝ හතර දෙනාටත් හිතුණේ ඒකම තමයි.

ලන්ඩනයේ ඉන්න මේ අලුත් හොරු සෙට් එක, ලොකු සල්ලිකාරයෙක්ගේ ගේම් එකක් කොල්ල කන්න යනවා. සැලැස්ම නම් සුපිරි! ඒත්, දන්නවනේ ඉතින් වැඩේ වැරදුනොත්?
කොල්ලය සාර්ථක වුණාට, මැලේසියාවට පියාඹන්න ගිය මේ කට්ටියට ලොකු වැරදීමක් වෙනවා. එයාපෝට් එකේදී ගමන් මළු මාරු වෙලා, එකපාරටම එයාලා ඉන්නේ නැගෙනහිර යුරෝපයේ! ආහ්, ඒ රට ගැන කිසිම දෙයක් දන්නේ නෑ.

දැන් තියෙන්නේ ප්‍රශ්න වැලක්! එයාලට අහිමි වුණු සල්ලි, එයාලව හොයන ගෝල්ඩන් පෝල්ගේ (Golden Pole) ගැන්සිය, අමුතු සංස්කෘතියක් එක්ක හැප්පෙන්න වෙනවා. දූෂිත පොලීසි, හොර ජාවාරම්කාරයෝ, තවත් සැක කටයුතු මිනිස්සු අතරේ මේ යාලුවෝ හතර දෙනාට ගෙදර යන පාර හොයාගන්න පුළුවන් වෙයිද?

එයාලගේ ගමන අන්තිමට නතර වෙන්නේ ටැංකියක් ඉස්සරහද? මේ අවුලෙන් එයාලා යාළුකම ආයෙත් හොයාගනීද? බලලම දැනගමු!