පිටින් පේන විදිහට මේක ක්‍රිස්මස් කාලෙට ගැළපෙන කතාවක් වගේ පෙනුණත් ඇත්තටම එහෙම නෑ.

රූඩි ඩන්කන් කියන්නේ හිරෙන් නිදහස් වෙන්න දවස් ගණන් තියෙන සිරකරුවෙක්. එයාට ඕනේ කොහොම හරි ගෙදර ගිහින් නිවාඩුව ගත කරන්න.

ඒත් එයාගේ යාළුවා, නික් කැසිඩි හිරෙන් එළියට ආවට පස්සේ කවදාවත් දැකලා නැති ලස්සන කෙල්ලෙක්ව හම්බවෙන්න තමයි ලෑස්ති වෙලා ඉන්නේ. ඒ කෙල්ලගේ නම ඇෂ්ලි.
හැබැයි, නිදහස් වෙන්න කලින් වෙච්චි කලබලයක් නිසා නික් මැරෙනවා.

ඉතින්, හිරෙන් එළියට එන රූඩි දකිනවා ඇෂ්ලි එයා වෙනුවෙන් බලන් ඉන්න හැටි. එයාට ලොකු ආසාවක් ඇතිවෙනවා… එයා තීරණය කරනවා නික් විදිහට පෙනී ඉන්න.
ඔන්න එතනින් තමයි රූඩිගේ ජීවිතේ අවුල් වෙන්නේ!

ඇෂ්ලිගේ ‘සහෝදරයා’ වන ගේබ්‍රියල් සහ එයාගේ කට්ටිය හිතන්නේ රූඩි තමයි නික් කියලා. මේ කට්ටිය බලෙන්ම රූඩිව රඳවාගෙන, එයාට බල කරනවා එයාලා ක්‍රිස්මස් දවසේ කරන්න යන කැසිනෝ මංකොල්ලයකට උදව් කරන්න කියලා.
ඇයි උදව් කරන්න කියන්නේ? මොකද එයාලා හිතන විදිහට, නික් කියන්නේ කලින් ඒ කැසිනෝ එකේ වැඩ කරපු කෙනෙක්.

දැන් රූඩිට කරන්න දෙයක් නෑ. එයාට සිද්ධ වෙනවා නික් විදිහටම රඟපාන්න. එයා ටිකෙන් ටික තේරුම් ගන්නවා… මේ සෙල්ලමේ හැමෝම මොකක් හරි රහසක් හංගනවා කියලා.

කාටද විශ්වාස කරන්න පුළුවන්? කවුද ඇත්තටම කවුද? හැම දෙයක්ම මුලින් පෙනුණා වගේ නෙවෙයි. රූඩි මේ උගුලෙන් ගැලවෙන්නේ කොහොමද? එයාට ගෙදර යන්න හම්බවෙයිද? ඔන්න ඔය ටික තමයි කතාවේ තියෙන්නේ.